Mateo 14:3 - BAIBLO ALOO NGMAMI KLƆUKLƆU Ɔ

³ Herode ha a nu Yohane, nɛ a fi lɛ, nɛ a wo lɛ tsu ngɛ e nyɛminyumu Filipo yo Herodia he.

Somi He Ɔ

³ Se Herode nu Yohane nɛ e fi lɛ, nɛ e wo lɛ tsu mi ngɛ Herodia, e nyɛmi Filipo yo ɔ he;

Mateo 14:3 ပူးပေါင်းရင်းမြစ်များ

Mateo 11:2

Jamɛ a be ɔ mi ɔ, a wo Yohane nɔ sɔlelɔ ɔ tsu. Benɛ Yohane nu níhi nɛ Kristo ngɛ tsue ɔ a he ngɛ tsu ɔ mi ɔ, e tsɔ e kaseli ɔmɛ ekomɛ kɛ sɛ gbi nɛ ɔ ba ha Yesu

Mateo 14:6

Se benɛ Herode ngɛ e fɔmi ligbi yee ɔ, Herodia biyo ɔ ba do ngɛ ni ɔmɛ a hɛ mi. Nɔ́ nɛ ɔ pee Herode fɛu,

Mateo 4:12

Benɛ Yesu nu kaa a nu Yohane ɔ, e pue nɔ kɛ ho Galilea ya.

Marko 6:14

Matsɛ Herode ba nu ní nɛ ɔmɛ tsuo a he, ejakaa Yesu biɛ pɛ kɛ kpa he tsuaa he. Ni komɛ de ke, “Yohane nɔ sɔlelɔ ɔ lɛ te si kɛ je gbeje, lɔ ɔ lɛ e ngɛ he wami nɛ e kɛ ngɛ ní nɛ ɔmɛ tsue ɔ nɛ.”

Marko 6:17

Ejakaa lɛ, Herode ɔ nitsɛ lɛ e ha nɛ a ya nu Yohane nɛ a fi lɛ, nɛ a wo lɛ tsu. Herode pee enɛ ɔ, ejakaa e ngɔ Herodia, e nyɛmi Filipo yo ɔ kɛ pee e yo.

Marko 6:19

Enɛ ɔ he ɔ, Herodia dɔ Yohane ninyɛ, nɛ e hlaa kaa e maa gbe lɛ, se e na we he blɔ, ejakaa Herode kplɛɛ we.

Marko 6:22

Herodia biyo ba ba do, nɛ e sa Herode, kɛ nihi nɛ kɛ lɛ hii si ngɛ okplɔɔ he ɔ a hɛ mi. Lɔ ɔ he ɔ, matsɛ ɔ de jokuɛ yo ɔ ke, “Bi mi nɔ́ tsuaa nɔ́ nɛ o suɔ nɛ ma ha mo!”

Marko 8:15

Yesu bɔ mɛ kɔkɔ ke, “Nyɛɛ hyɛ saminya nɛ nyɛ hɛ nɛ hi nyɛ he nɔ ngɛ Farisi bi a masa a, kɛ Herode masa a he!”

Luka 13:1

Jamɛ a be ɔ nɔuu ɔ, ni komɛ ba lejɛ ɔ nɛ a kɛ Yesu ba sɛɛ ní. A de lɛ bɔ nɛ Pilato ha nɛ a gbe Galilea bi ɔmɛ nɛ ya ngɛ bɔ sãe ha Mawu ɔ.

Luka 13:31

Jamɛ a be ɔ mi nɔuu ɔ, Farisi bi komɛ ba Yesu ngɔ ba de lɛ ke, “Jee hiɛ ɔ nɛ o ho; ejakaa Herode ngɛ mo hlae nɛ e gbe.”

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Luka 23:7

Benɛ e na le kaa Yesu je Herode nɔ yemi he ɔ, e ha nɛ a ngɔ lɛ ya ha Herode. Jamɛ a be ɔ, Herode hu ba Yerusalem.

Luka 3:1

Roma matsɛ Tiberio yi nɔ jeha nyɔngma kɛ enuɔne ɔ, Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea. Herode nyɛmi Filipo ngɛ amlaalo nɔkɔtɔma yee ngɛ Iturea, kɛ Trakoniti zugba a nɔ, nɛ Lisania ngɛ amlaalo nɔkɔtɔma yee ngɛ Abileene.

Luka 8:3

kɛ Yohana, Herode tsɔlɔ nɔkɔtɔma Kuza yo ɔ, kɛ Susana, kɛ yi kpahi fuu nɛ a kɛ mɛ nitsɛmɛ a níhi hyɛ Yesu, kɛ e kaseli ɔmɛ a nɔ ɔ.

Ni Tsumi 12:1

Jamɛ a be ɔ mi nɔuu ɔ, Matsɛ Herode bɔni asafo ɔ mi bi ɔmɛ ekomɛ yi mi wami.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.