Mateo 14:27 - BAIBLO ALOO NGMAMI KLƆUKLƆU Ɔ

²⁷ Se amlɔ ɔ, Yesu wo e nya nɔ, nɛ e de mɛ ke, “Nyɛ na tsui, imi! Nyɛ ko ye gbeye!”

Somi He Ɔ

²⁷ Se amlɔ ɔ, Yesu wo e nya nɔ nɛ e de mɛ ke: “Nyɛ na tsui, ami ʼi; nyɛ ko ye gbeye!”

Mateo 14:27 ပူးပေါင်းရင်းမြစ်များ

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 23:11

Jamɛ a nyɔ ɔ mi ɔ, Nyɔmtsɛ ɔ ba da Paulo kasa nya, nɛ e de lɛ ke, “Koo ye gbeye. Bɔ nɛ o ye ye he odase ngɛ Yerusalem nɛ ɔ, ja o ya ye odase jã nɔuu ngɛ Roma hulɔ.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:4

Mɛnɔ ji nɔ nɛ pee enɛ ɔ? Mɛnɔ lɛ tsɛ yi nɔ ɔmɛ tsuo kɛ je sisije? Sisije ɔ, imi Yawɛ, i ngɛ lejɛ ɔ; nɛ nyagbe ɔ hu, imi Yawɛ nɔuu ma hi lejɛ ɔ.

Yohane 6:20

se Yesu de mɛ ke, “Nyɛ ko ye gbeye! Imi!”

Mateo 17:7

Kɛkɛ nɛ Yesu ba a ngɔ, nɛ e ba ta a he, nɛ e de ke, “Nyɛɛ te si; nyɛ ko ye gbeye!”

Mateo 9:2

Kɛkɛ nɛ a kɛ nɔ ko nɛ ngɛ hulemi hiɔ nue fɔ sa nɔ kɛ ba e ngɔ. Benɛ Yesu na bɔ nɛ a hemi kɛ yemi ɔ mi wa ha a, e de hiɔtsɛ ɔ ke, “Ye bi, wlua mo! A kɛ o he yayami ɔmɛ pa mo.”

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Luka 1:30

Se bɔfo ɔ de lɛ ke, “Maria, koo ye gbeye; Mawu na o he bua jɔmi.

Luka 1:13

Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

Mateo 28:10

Yesu de mɛ ke, “Nyɛ ko ye gbeye! Nyɛɛ ya nɛ nyɛ ya de ye nyɛmimɛ ɔmɛ nɛ ji ye kaseli ɔmɛ ke a ya Galilea, nɛ a maa na mi ngɛ lejɛ ɔ.”

Luka 2:10

Se bɔfo ɔ de mɛ ke, “Nyɛ ko ye gbeye! I hɛɛ manye munyu nɛ ma ha Israel ma a tsuo ma na bua jɔmi babauu kɛ ha nyɛ.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Mateo 14:28

Petro he nɔ ke, “Nyɔmtsɛ, ke mo ɔ, lɛɛ ha nɛ ma nyɛɛ nyu ɔ hɛ mi kɛ ba o ngɔ.”

Mateo 28:5

Bɔfo ɔ de yi ɔmɛ ke, “Nyɛ ko ye gbeye. I le kaa nyɛ ngɛ Yesu nɛ a sɛu ɔ hlae.

Marko 6:50

ejakaa mɛ tsuo a na lɛ, nɛ a tsui po. Se Yesu kɛ mɛ tu munyu amlɔ nɔuu; e de mɛ ke, “Nyɛ ko je fɔ̃; imi; nyɛ ko ye gbeye!”

Luka 5:10

Simon huɛmɛ, Yakobo, kɛ Yohane, Zebedeo bimɛ ɔmɛ hu a he mi po ja nɔuu. Jehanɛ Yesu de Simon ke, “Koo ye gbeye! Kɛ je mwɔnɛ ɔ kɛ yaa a, o maa hɛ nimli ha mi kaa bɔ nɛ a hɛɛ lo.”

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.