Mateo 14:20 - BAIBLO ALOO NGMAMI KLƆUKLƆU Ɔ

²⁰ Mɛ tsuo a ye nɛ a tɔ. Lɔ ɔ se ɔ, a bua bibliwi nɛ piɛ ɔ nya ngɔ wo kusii nyɔngma kɛ enyɔ mi, nɛ a hyi tɔtɔɔtɔ.

Somi He Ɔ

²⁰ Nɛ mɛ tsuo a ye nɛ a tɔ, nɛ a kukuɔ bibli nɛ piɛ ɔ ngɔ wo kusii nyɔngma kɛ enyɔ mi nɛ a hyi tɔtɔɔtɔ.

Mateo 14:20 ပူးပေါင်းရင်းမြစ်များ

Mose II, 16:12

“I nu Israel bi ɔmɛ a nya si hɔɔmi ɔ. De mɛ ke gbɔkuɛ nya si nɛ ɔ, nyɛ ma na lo maa ye, nɛ mɔtu ɔ, nyɛ ma na abolo maa ye nɛ nyɛ maa tɔ, kɛkɛ nyɛ maa le kaa imi ji Yawɛ, nyɛ Mawu ɔ nɛ.”

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Luka 9:17

Mɛ tsuo a ye, nɛ a tɔ, nɛ kaseli ɔmɛ bua bibliwi nɛ piɛ ɔ nya ngɔ wo kusii nyɔngma kɛ enyɔ mi.

Luka 1:53

E ha hwɔ hwɔli ní kpakpahi nɛ a ye, nɛ a tɔ; se niatsɛmɛ lɛɛ e fie mɛ kɛ ho kɛ a dɛ gu.

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Yohane 6:7

Filipo he nɔ ke, “Sika hiɔ lafa enyɔ nya abolo po be mɛ sue nya mi bɔ kakaaka.”

Mateo 15:33

Kaseli ɔmɛ bi lɛ ke, “Nga nɔ hiɛmɛ nɛ ɔ, jije wa ma na niye ní ngɛ bɔ nɛ sa nɛ maa su ma kpekpemi nɛ ɔ nya?”

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Abɛ Womi 13:25

Nihi nɛ peeɔ nɔ́ nɛ da a, a yeɔ ní nɛ a tɔɔ. Se yayami peeli lɛɛ mi mi hwɔ yeɔ mɛ.

Mateo 14:21

Nyumuhi nɛ ye ní ɔ maa su akpe enuɔ, slo yihi, kɛ jokuɛwi.