Mateo 14:19 - BAIBLO ALOO NGMAMI KLƆUKLƆU Ɔ

¹⁹ Yesu fa ma kpekpemi ɔ ke a hi si ngɛ nga a nɔ. Jehanɛ, e kukuɔ abolo enuɔ ɔ, kɛ lo enyɔ ɔ, nɛ e hyɛ hiɔwe nɛ e na Mawu si. E ku abolo ɔ mi, nɛ e ngɔ ha e kaseli ɔmɛ, nɛ e kaseli ɔmɛ hu dla ngɔ ha ma a.

Somi He Ɔ

¹⁹ Nɛ e fa asafo ke a hi si ngɛ nga a nɔ. Nɛ e kukuɔ abolo enuɔ kɛ lo enyɔ ɔ, nɛ e hyɛ hiɔwe nɛ e gbaa nɔ, nɛ e kuɔ mi, nɛ e ngɔ ha e kaseli ɔmɛ, nɛ e kaseli ɔmɛ ngɔ ha asafo ɔ.

Mateo 14:19 ပူးပေါင်းရင်းမြစ်များ

Luka 24:30

Benɛ e kɛ mɛ hii si nɛ a ngɛ ní yee ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ.

Ni Tsumi 27:35

Benɛ Paulo de enɛ ɔ, e kɛ̃ abolo, nɛ e na Mawu si, nɛ ngɛ mɛ tsuo a hɛ mi ɔ, e ku mi, nɛ e bɔni yemi.

Marko 6:41

Jehanɛ Yesu wo abolo enuɔ ɔ kɛ lo enyɔ ɔ nɛ e hyɛ hiɔwe, nɛ e gbaa nɔ. E ku abolo ɔ mi nɛ e kɛ ha e kaseli ɔmɛ, konɛ a dla ha ni ɔmɛ. E dla lo enyɔ ɔmɛ hulɔ ha mɛ tsuo.

1 Korintobi 11:24

nɛ e na Mawu si, nɛ e ku mi, nɛ e de ke, “Enɛ ɔ ji ye nɔmlɔ tso nɛ a ku ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Romabi 14:6

Nɔ nɛ susuɔ kaa ligbi komɛ a he hia pe ekomɛ ɔ, Nyɔmtsɛ ɔ hɛ mi nyami e ngɛ woe; nɛ nɔ nɛ yeɔ nɔ saisaa a, lɛ hu e ngɛ Nyɔmtsɛ ɔ hɛ mi nyami woe, ejakaa e naa Mawu si ngɛ he. Nɔ nɛ yi nɔ́ saisaa a, lɛ hu e kɛ woɔ Nyɔmtsɛ ɔ hɛ mi nyami, nɛ lɛ hu e naa Mawu si.

Kolosebi 3:17

Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

1 Korintobi 10:16

Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?

Luka 9:14

Nyumuhi kɛkɛ maa su akpe enuɔ ngɛ lejɛ ɔ. Yesu de e kaseli ɔmɛ ke, “Nyɛ ha nɛ ni ɔmɛ nɛ a hi si ngɛ kuuhi a mi, nihi maa pee nyingmi enuɔ ngɛ kuu tsuaa kuu mi.”

Marko 7:34

Jehanɛ Yesu hyɛ hiɔwe, nɛ e fa huu, nɛ e de amuɛti tue kpokutsɛ ɔ ke, “Hefata”. E sisi ji, “Bli!”

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Yohane 6:23

Lɛ kpa komɛ je Tiberia ba sa kpo he he nɛ Nyɔmtsɛ ɔ na Mawu si, nɛ ma kpekpemi ɔ ye abolo ɔ ngɛ ɔ.

Marko 6:39

Kɛkɛ nɛ e fa mɛ ke a ha nɛ ni ɔmɛ tsuo nɛ a hi si ngɛ kuuhi a mi ngɛ nga mumu ɔ nɔ.

Yohane 11:41

Jehanɛ a je tɛ ɔ; kɛkɛ nɛ Yesu wo e hɛ nɔ nɛ e hyɛ hiɔwe, nɛ e de ke, “Tsaatsɛ, i naa mo si kaa o buɔ mi tue.

Luka 22:19

Jehanɛ ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ, nɛ e de ke, “Enɛ ɔ ji ye nɔmlɔ tso [nɛ a ngɔ sã bɔ ha Mawu ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Luka 9:16

Kɛkɛ nɛ Yesu kukuɔ abolo enuɔ, kɛ lo enyɔ ɔ, nɛ e hyɛ hiɔwe, nɛ e gbaa nɔ, nɛ e ku mi, nɛ e kɛ ha e kaseli ɔmɛ, konɛ mɛ hu a dla ngɔ ha ma kpekpemi ɔ.

Mateo 14:18

E de mɛ ke, “Nyɛɛ ngɔ ba ha mi ngɛ hiɛ ɔ!”

Luka 22:17

Kɛkɛ nɛ Yesu wo kplu, nɛ e na Mawu si, nɛ e de ke, “Nyɛ he nɛ nyɛ tsuo nyɛɛ nu.