Mateo 14:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ mi ɔ, amlaalo ɔ nɛ ngɛ Galilea nɛ a tsɛɛ lɛ Herode ɔ nu Yesu he,

Somi He Ɔ

¹ Jamɛ a be ɔ mi ɔ amlaalo Herode nu Yesu he sane;

Mateo 14:1 ပူးပေါင်းရင်းမြစ်များ

Luka 3:1

Roma matsɛ Tiberio yi nɔ jeha nyɔngma kɛ enuɔne ɔ, Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea. Herode nyɛmi Filipo ngɛ amlaalo nɔkɔtɔma yee ngɛ Iturea, kɛ Trakoniti zugba a nɔ, nɛ Lisania ngɛ amlaalo nɔkɔtɔma yee ngɛ Abileene.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Marko 8:15

Yesu bɔ mɛ kɔkɔ ke, “Nyɛɛ hyɛ saminya nɛ nyɛ hɛ nɛ hi nyɛ he nɔ ngɛ Farisi bi a masa a, kɛ Herode masa a he!”

Luka 23:15

Herode hu bui lɛ fɔ, nɛ lɔ ɔ he nɛ e kpale lɛ ba ha wɔ ɔ nɛ. Nyumu nɛ ɔ pee we nɔ́ yayami ko nɛ hia kaa ma bu lɛ gbenɔ fɔ.

Ni Tsumi 12:1

Jamɛ a be ɔ mi nɔuu ɔ, Matsɛ Herode bɔni asafo ɔ mi bi ɔmɛ ekomɛ yi mi wami.

Luka 3:19

Se Yohane kã amlaalo nɔkɔtɔma Herode hɛ mi, ejakaa Herode ya ngɔ lɛ nitsɛ e nyɛmi Filipo e yo Herodia; Herode pee yayami kpahi fuu hu ngɔ piɛ he.

Mateo 9:26

Nɛ sane nɛ ɔ gbɛ fĩa lejɛ ɔ zugba a nɔ tsuo.

Mateo 9:31

Se benɛ a si lɛ ɔ, a ya gbɛ e he sane ɔ ngɔ fĩa lejɛ ɔ zugba a nɔ tsuo.

Mateo 13:58

Akɛnɛ a he we lɛ yi he je ɔ, e tsu we nyakpɛ ní fuu ngɛ lejɛ ɔ.

Luka 8:3

kɛ Yohana, Herode tsɔlɔ nɔkɔtɔma Kuza yo ɔ, kɛ Susana, kɛ yi kpahi fuu nɛ a kɛ mɛ nitsɛmɛ a níhi hyɛ Yesu, kɛ e kaseli ɔmɛ a nɔ ɔ.

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.