Mateo 13:55 - BAIBLO ALOO NGMAMI KLƆUKLƆU Ɔ

⁵⁵ Anɛ pi kapitɛ ɔ bi ɔ ji nɛ ɔ? Anɛ pi e nyɛ nɛ a tsɛɛ Maria a? Pi e nyɛminyumuhi ji Yakobo, Yosef, Simon, kɛ Yuda a?

Somi He Ɔ

⁵⁵ Anɛ pi kapitɛ ɔ bi ɔji nɛ ɔ? Anɛ pi e nyɛ nɛ a tsɛɛ Maria a, kɛ e nyɛmimɛ nyumuhi Yakobo kɛ Yose kɛ Simon kɛ Yuda a?

Mateo 13:55 ပူးပေါင်းရင်းမြစ်များ

Yohane 6:42

nɛ a bi ke, “Anɛ pi Yosef bi Yesu ɔ ji nɛ ɔ? Tse wa le e tsɛ kɛ e nyɛ! Nɛ lɛɛ e ke e je hiɔwe ɔ? Kɛ pee kɛɛ nɛ e deɔ jã mɔ?”

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 3:23

Benɛ Yesu je e ní tsumi sisi ɔ, e ye maa pee jeha nyingmi etɛ, nɛ bɔ nɛ nihi susuɔ ji e tsɛ ji Yosef, Heli bi ɔ,

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Yohane 19:25

Yesu nyɛ, kɛ e nyɛ ɔ nyɛmiyo Maria, Klopa yo ɔ, kɛ Maria Magdalena daa si ngɛ Yesu sɛumi tso ɔ kasa nya.

Marko 15:47

Maria Magdalena, kɛ Maria, Yose nyɛ ɔ daa si nɛ a ngɛ hyɛe he nɛ a to Yesu gbogboe ɔ ngɛ ɔ.

Galatabi 1:19

Bɔfo kpa amɛ lɛɛ i nɛ a ti nɔ ko nɔ ko, pe Nyɔmtsɛ ɔ nyɛmi Yakobo pɛ.

Luka 24:10

Maria Magdalena, kɛ Yohana, kɛ Yakobo nyɛ Maria, kɛ yi kpa komɛ nɛ piɛ a he ɔ ji nihi nɛ ba sɛɛ ní nɛ ɔmɛ ngɔ ha bɔfo ɔmɛ ɔ nɛ.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Luka 1:27

Gabriel hɛɛ sɛ gbi kɛ ha yiheyo ko nɛ a bi e si ha Yosef, Matsɛ David nina a kake. Yiheyo ɔ biɛ ji Maria.

Marko 15:40

Yi komɛ hu ngɛ lejɛ ɔ nɛ daa si ngɛ se banee ngɛ nɔ hyɛe. A ti ni komɛ ji Maria Magdalena kɛ Maria, Yakobo wayo kɛ Yose a nyɛ ɔ, kɛ Salome.

Mateo 27:56

A kpɛti ni komɛ ji Maria Magdalena, kɛ Maria, Yakobo kɛ Yosef a nyɛ ɔ, kɛ Zebedeo bimɛ ɔmɛ a nyɛ ɔ.

La 22:6

Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.

Yohane 9:29

Wa le kaa Mawu kɛ Mose tu munyu, se kikɛmɛ a nɔmlɔ nɛ ɔ lɛɛ, he nɛ e je po wa li.”

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Luka 8:20

Kɛkɛ nɛ nɔ ko de lɛ ke, “O nyɛ, kɛ o nyɛmimɛ ɔmɛ daa si ngɛ kpo ɔ nɔ, nɛ a ngɛ hlae nɛ a na mo.”