Mateo 13:52 - BAIBLO ALOO NGMAMI KLƆUKLƆU Ɔ

⁵² E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Somi He Ɔ

⁵² Se e de mɛ ke: “Lɔ ɔ he ɔ, mlaa tsɔɔlɔ tsuaa mlaa tsɔɔlɔ nɛ a pee lɛ kaselɔ kɛ ha hiɔwe matsɛ yemi ɔ, e ngɛ kaa wetsɛ ko nɛ jeɔ ni hehi kɛ ni momohi kɛ jee e juetli to he ɔ.”

Mateo 13:52 ပူးပေါင်းရင်းမြစ်များ

Tito 1:9

Anɔkuale ɔ nɛ a tsɔɔ lɛ, nɛ e he ye ɔ, e hɛɛ mi wawɛɛ. Ke e pee jã loko lɛ hu e ma nyɛ tsɔɔ ni kpahi ní nɛ he tsɔ saminya. Kɛkɛ ɔ, nihi nɛ teɔ si siɔ anɔkuale ɔ, e maa tsɔɔ mɛ a tɔmi.

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Abɛ Womi 15:7

Ní leli a nya lɛ gbɛɔ nile kɛ fĩaa; pi kuasiahi a juɛmi.

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Luka 11:49

Enɛ ɔ he nɛ Mawu nile ɔ de ke, ‘Ma tsɔ gbali, kɛ tsɔli kɛ ya a ngɔ; a maa gbe a ti ni komɛ, nɛ a maa wa a ti ni komɛ yi mi.’

Mateo 23:34

Lɔ ɔ he ɔ, ma tsɔ gbali, kɛ ní leli, kɛ tsɔɔli kɛ ba nyɛ ngɔ. Nyɛ maa gbe a ti ni komɛ, nɛ nyɛ maa sɛu ni komɛ; ni komɛ lɛɛ nyɛ maa fia mɛ kpa ngɛ nyɛ kpe he ɔmɛ, nɛ nyɛ maa wa mɛ yi mi, nɛ nyɛ maa fie mɛ kɛ je ma kake mi kɛ ya ma kake mi.

Abɛ Womi 18:4

Nile ma nyɛ je nɔmlɔ nya mi munyu mi; e mi kuɔ kaa wo, nɛ e he tsɔ kaa pa nɛ hia kɛ bee.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Yohane 13:34

Jehanɛ ɔ, mlaa he i ngɛ nyɛ woe; nyɛɛ suɔ nyɛ sibi kaa bɔ nɛ i suɔ nyɛ ɔ.

Lahi 7:13

O maa nu wai tso yiblii he via ngɛ lejɛ ɔ. Tso yiblii kpakpa amɛ tsuo pueɔ si ngɛ wa sinya a nya: tso yiblii ehehi, kɛ momohi. Ye suɔlɔ, níhi nɛ a bua nya kɛ to mo ji nɛ ɔmɛ nɛ.

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Efesobi 3:4

Ke nyɛ kane nɔ́ nɛ i ngma a saminya a, yi mi nɛ Mawu to ngɛ laami mi, nɛ Kristo ha nɛ e ba mi ɔ, nyɛ maa na bɔ nɛ i nu sisi ha.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

1 Timoteo 3:6

E ko pee nɔ ko nɛ tsake e tsui kɛ we. Ke pi ja a, e ma wo e he nɔ, nɛ Mawu maa gbla e tue kaa bɔ nɛ e pee Abosiami ɔ.

Mateo 13:51

Yesu bi mɛ ke, “Nyɛ nu ní nɛ ɔmɛ a sisi?” A he nɔ ke, “Ee.”

Mateo 13:53

Benɛ Yesu gbe abɛ nɛ ɔmɛ a bumi nya a, e je lejɛ ɔ,

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,