Mateo 13:48 - BAIBLO ALOO NGMAMI KLƆUKLƆU Ɔ

⁴⁸ Benɛ ya a hyi ɔ, a sã kɛ ba wo ɔ nya, nɛ a ba hi si, nɛ a hla lo ɔ mi. A bua kpakpa amɛ a nya ngɔ wo kusiihi a mi, se yaya amɛ lɛɛ a sake ngɔ pue he.

Somi He Ɔ

⁴⁸ nɛ benɛ e hyi ɔ, a sã kɛ ba wo ɔ nya, nɛ a hi si nɛ a bua kpakpa amɛ a nya ngɔ wo plɔhi a mi; se lohi nɛ hi ɔmɛ ɔ a sake pue he.

Mateo 13:48 ပူးပေါင်းရင်းမြစ်များ

Mateo 13:30

Nyɛ ha ngma a, kɛ hu ɔ tsuo nɛ wa kɛ yaa si ngma kpami be ɔ. Ke ngma kpami be ɔ su ɔ, ma de ní tsuli ɔmɛ ke a bua hu ɔ nya kekle nɛ a fi, konɛ a sã. Lɔ ɔ se loko ma ha nɛ a bua ngma a nya kɛ wo ye gba a mi.’ ”

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Mateo 4:18

Benɛ Yesu ngɛ si kpae ngɛ Galilea wo ɔ nya a, e na nyɛmimɛ hɛli enyɔ nɛ a ngɛ ya fɔe ngɛ wo ɔ mi. Mɛ ji Simon, nɛ a tsɛɛ lɛ Petro hulɔ ɔ, kɛ Andrea.

Mateo 13:47

“Hiɔwe matsɛ yemi ɔ ngɛ kaa kikɛ nɛ ɔ hulɔ. Wo hɛli komɛ fɔ ya ngɛ wo mi, nɛ a gbe lo slɔɔtohi babauu.

Mateo 13:49

Kikɛ nɛ ɔ nɔuu a maa pee ngɛ je nɛ ɔ nyagbe mi. Mawu bɔfo ɔmɛ maa je kpo, nɛ a ma ba hla nimli yayami ɔmɛ ngɛ nimli kpakpa amɛ a kpɛti.