Mateo 13:47 - BAIBLO ALOO NGMAMI KLƆUKLƆU Ɔ

⁴⁷ “Hiɔwe matsɛ yemi ɔ ngɛ kaa kikɛ nɛ ɔ hulɔ. Wo hɛli komɛ fɔ ya ngɛ wo mi, nɛ a gbe lo slɔɔtohi babauu.

Somi He Ɔ

⁴⁷ “Jeha nɛ ɔ hu, hiɔwe matsɛ yemi ɔ ngɛ kaa ya nɛ afɔ́ ngɛ wo mi nɛ e gbe lo slɔɔtohi tsuo eko;

Mateo 13:47 ပူးပေါင်းရင်းမြစ်များ

Yohane 15:6

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Marko 1:17

Yesu de mɛ ke, “Nyɛ ba nyɛɛ ye se nɛ nyɛɛ hɛ nimli ha mi kaa a hɛɛ lo.”

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

2 Korintobi 11:26

I hia blɔ kpitikpiti. I na amanehlu babauu ngɛ pa hɛ mi, kɛ ojo fiali a dɛ mi; i na nɔ́ ngɛ imi nitsɛ ye weku li a dɛ mi; i na nɔ́ ngɛ ma je li a dɛ mi. I na nɔ́ ngɛ ma mi, kɛ nga nɔ. I na nɔ́ ngɛ wo hɛ mi, kɛ nyɛmimɛ lakpatsɛmɛ a dɛ mi.

Ni Tsumi 20:30

Nyɛ nitsɛmɛ nyɛ kpɛti hu nihi maa ye lakpa kɛ puɛ nyɛmimɛ ɔmɛ a tue kɛ ya nyɛɛ a se.

Luka 5:10

Simon huɛmɛ, Yakobo, kɛ Yohane, Zebedeo bimɛ ɔmɛ hu a he mi po ja nɔuu. Jehanɛ Yesu de Simon ke, “Koo ye gbeye! Kɛ je mwɔnɛ ɔ kɛ yaa a, o maa hɛ nimli ha mi kaa bɔ nɛ a hɛɛ lo.”

Mateo 4:19

Yesu de mɛ ke, “Nyɛ ba nyɛɛ ye se, nɛ ma ha nyɛɛ maa hɛ nimli kaa a hɛɛ lo.”

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Ezekiel 47:10

Kɛ je Engedi pa a nya kɛ yaa si Eneglaim pa a nya tsuo ma hyi kɛ wo hɛli nɛ a ngɛ a yahi kae ngɛ wo ɔ nya. A maa gbe lo slɔɔtoslɔɔtohi babauu ngɛ pa amɛ a mi kaa bɔ nɛ a naa ngɛ Mediterenia wo ɔ nitsɛ mi ɔ.

Mateo 13:44

“Hiɔwe matsɛ yemi ɔ ngɛ kaa kikɛ nɛ ɔ: Nyumu ko ya na juetli ngɛ zugba ko mi. Benɛ e na juetli ɔ, e ngɔ laa ekohu. Bua jɔmi sɔuu nɛ e na he je ɔ, e ho nɛ e ya jua níhi tsuo nɛ e ngɛ ɔ, nɛ e kɛ he jamɛ a ngmɔ ɔ.

Mateo 13:46

Benɛ e ya na adiagba saminyayoo kake nɛ he jua wa a, e ho nɛ e ya jua níhi tsuo nɛ e ngɛ ɔ, nɛ e kɛ he.

Mateo 13:48

Benɛ ya a hyi ɔ, a sã kɛ ba wo ɔ nya, nɛ a ba hi si, nɛ a hla lo ɔ mi. A bua kpakpa amɛ a nya ngɔ wo kusiihi a mi, se yaya amɛ lɛɛ a sake ngɔ pue he.