Mateo 13:39 - BAIBLO ALOO NGMAMI KLƆUKLƆU Ɔ

³⁹ He nyɛlɔ ɔ nɛ du hu ɔ ji Abosiami. Ngma kpami be ɔ ji je nɛ ɔ nyagbe, nɛ ngma kpali ɔmɛ ji hiɔwe bɔfo ɔmɛ.

Somi He Ɔ

³⁹ he nyɛlɔ nɛ du mɛ ɔ ji abosiami; ngma kpami be ɔ ji je nɛ ɔ nyagbe ɔ nɛ, nɛ ngma kpali ɔmɛ ji hiɔwe bɔfo ɔmɛ.

Mateo 13:39 ပူးပေါင်းရင်းမြစ်များ

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Yoel 3:13

Yiwutsotsɛmɛ ji mɛ; poo mɛ ngɔ pue si kaa bɔ nɛ a pooɔ blɛfo tsohi pueɔ si ngɛ ní kpami be mi ɔ; ngaa a mi kaa bɔ nɛ a ngaa wai yiblii mi ngɛ wai ngami he kɛ ya siɔ e hyiɔ muɔ ɔ, nɛ e pueɔ si ɔ.”

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Mateo 13:25

Se nyɔ mi benɛ nɔ tsuaa nɔ hwɔ si ɔ, he nyɛlɔ ko ba du hu kɛ futu ngma a, nɛ e je.

Mateo 13:28

E he nɔ ke, ‘He nyɛlɔ ko lɛ pee enɛ ɔ nɛ.’ E tsɔli ɔmɛ bi lɛ ke, ‘Lɛɛ o suɔ kaa waa ya nɛ wa ya hia lo?’

Mateo 13:40

Bɔ nɛ a bua hu ɔ nya nɛ a sã a, jã nɔuu a maa pee ngɛ je nɛ ɔ nyagbe mi.

Mateo 13:49

Kikɛ nɛ ɔ nɔuu a maa pee ngɛ je nɛ ɔ nyagbe mi. Mawu bɔfo ɔmɛ maa je kpo, nɛ a ma ba hla nimli yayami ɔmɛ ngɛ nimli kpakpa amɛ a kpɛti.

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Mateo 25:31

“Ligbi ɔ nɛ Nɔmlɔ Bi ɔ maa ba kaa matsɛ, nɛ bɔfo ɔmɛ tsuo maa piɛ e he kɛ ba a, jamɛ a be ɔ mi ɔ, e maa hi e matsɛ sɛ saminyayoo ɔ nɔ,

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

1 Korintobi 10:11

Níhi nɛ ba a nɔ ɔ peeɔ okadi kɛ ha ni kpahi. A ngma ní nɛ ɔmɛ kɛ ngɛ wɔ kɔkɔ bɔe, ejakaa be nɛ wa ngɛ mi nɛ ɔ kɛ nyagbe be ɔ kɛ we kulaa.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Yuda 1:14

Henok, Adam nina tutuutu ekpane ɔ, nɔ́ nɛ e gba blema lokoo ngɛ nimli nɛ ɔmɛ a he ji nɛ ɔ nɛ: “Nyɔmtsɛ ɔ ma kɛ e bɔfo klɔuklɔuhi akpeakpe abɔ.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.