Mateo 13:38 - BAIBLO ALOO NGMAMI KLƆUKLƆU Ɔ

³⁸ Ngmɔ ɔ ji je ɔ; wu kpakpa a ji matsɛ yemi mi bimɛ ɔmɛ; hu ɔ ji nɔ yayami ɔ bimɛ.

Somi He Ɔ

³⁸ ngmɔ ɔ ji je nɛ ɔ mi; dumi ni kpakpa amɛ ji matsɛ yemi mi bimɛ ɔmɛ; hu ɔ ji nɔ yayami ɔ bimɛ ɔmɛ;

Mateo 13:38 ပူးပေါင်းရင်းမြစ်များ

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

1 Petro 1:23

Kɛ gu Mawu munyu ɔ nɛ hɛ ngɛ daa a nɔ ɔ, a fɔ nyɛ ehe. Nyɛ ba pee Tsɛ nɛ gbo we, se pi nɔ nɛ gboɔ ɔ bimɛ.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

Yohane 12:24

I ngɛ nyɛ dee anɔkuale mi ke, ke a du we ngma ngu ngɛ zu mi, nɛ e gbo ɔ, lɛɛ ngma ngu kake ngmelu ji lɛ daa. Se ke e gbo ɔ, e woɔ yiblii babauu.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

La 22:30

Yi nɔhi nɛ maa ba hwɔɔ se ɔ ma sɔmɔ lɛ. Nihi maa sɛɛ Nyɔmtsɛ ɔ he ní kɛ ha hwɔɔ se bimɛ.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Mateo 5:37

Ke nɔ́ ɔ ngɛ mi ɔ, nɔ́ nɛ kɛkɛ nɛ o ma de ji, ‘Ee’; ke e be mi ɔ, de ke, ‘Dɛbi’. Ke nɔ́ kpa ko piɛ he ɔ lɛɛ Abosiami dɛ mi e je.

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”