Mateo 13:30 - BAIBLO ALOO NGMAMI KLƆUKLƆU Ɔ

³⁰ Nyɛ ha ngma a, kɛ hu ɔ tsuo nɛ wa kɛ yaa si ngma kpami be ɔ. Ke ngma kpami be ɔ su ɔ, ma de ní tsuli ɔmɛ ke a bua hu ɔ nya kekle nɛ a fi, konɛ a sã. Lɔ ɔ se loko ma ha nɛ a bua ngma a nya kɛ wo ye gba a mi.’ ”

Somi He Ɔ

³⁰ Nyɛ ha enyɔ ɔ tsuo nɛ wa kɛ ya si ngma kpami be ɔ, nɛ ngma kpami be ɔ, ma de ngma kpali ɔmɛ ke: Nyɛ bua hu ɔ nya kekle, nɛ nyɛɛ fi konɛ a sã; se ngma a lɛɛ nyɛ bua nya ngɔ wo ye gba a mi.’ ”

Mateo 13:30 ပူးပေါင်းရင်းမြစ်များ

Samuel II, 23:7

Nɔ nɛ maa ta he ɔ, ja e hɛɛ dade, loo akplɔ. A kɛ la maa sã mɛ.

Hiob 39:12

Anɛ o heɔ yeɔ kaa e ma kpa ní ha mo, nɛ e kɛ o blɛfo ɔ ma ba wo blɛfo gba mi ha mo lo?

Yesaya 17:5

Israel zugba a maa pee kaa ngmɔ nɛ a kpɔ e nɔ blɛfo tsuo ta, loo kaa bɔ nɛ Refaim kɔ̃ ɔ mi peeɔ falifali ke a kpɛte ní ta lejɛ ɔ.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Mateo 13:25

Se nyɔ mi benɛ nɔ tsuaa nɔ hwɔ si ɔ, he nyɛlɔ ko ba du hu kɛ futu ngma a, nɛ e je.

Mateo 13:29

E he nɔ ke, ‘Dɛbi, eko ɔ, ke nyɛ ngɛ hu ɔ hiae ɔ, nyɛ maa hia ngma a hu kɛ futu mi.

Mateo 25:32

nɛ a ma bua je ma amɛ tsuo a nya ngɛ e hɛ mi. Kɛkɛ ɔ, e ma gba a mi kaa bɔ nɛ to hyɛlɔ gbaa jijɔ, kɛ apletsi mi ɔ.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Yohane 15:6

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

1 Timoteo 5:24

Ni komɛ a yayami jeɔ kpo paa, nɛ a kɛ buu mɛ fɔ nɔuu, se ni komɛ lɛɛ pee se loko a nɔ́ jeɔ kpo.

Samuel I, 25:29

Nɛ ke nɔ ko maa te si kɛ wo mo, nɛ e ma hla kaa e gbe mo ɔ, Yawɛ, o Mawu ɔ maa bu o he kaa bɔ nɛ nɔmlɔ adesa buu june nɛ he jua wa he ɔ. Se o he nyɛli ɔmɛ lɛɛ e ma sake mɛ ngɔ fɔ he kaa bɔ nɛ a fɔɔ amlami tɛ ɔ.