Mateo 13:3 - BAIBLO ALOO NGMAMI KLƆUKLƆU Ɔ

³ Nɛ e tu mɛ munyuhi fuu ngɛ abɛ gbi mi. E de ke, “Ligbi ko ɔ, ní dulɔ ko ho nɛ e ya du ní.

Somi He Ɔ

³ Nɛ e tu munyuhi fuu kɛ tsɔɔ mɛ ngɛ abɛhi a mi, nɛ e ke: “Oʼɛ, ni dulɔ ko pue nɔ kɛ ho ni dumi ya.

Mateo 13:3 ပူးပေါင်းရင်းမြစ်များ

La 49:4

Ma bu tue nɛ ma nu abɛ ko, nɛ ma fia kpa saku kɛ tsɔɔ nya.

La 78:2

Ma tu munyu ngɛ abɛ gbi mi; ma gba nyɛ blema nyakpɛ sanehi:

Ezekiel 17:2

“Nɔmlɔ adesa, buu abɛ kɛ tsɔɔ Israel ma a,

Ezekiel 20:49

Kɛkɛ nɛ i kpa pɛɛ ke, “Nyɔmtsɛ Yawɛ, ko ha nɛ ma tsu nɔ́ nɛ ɔ. Nɔ tsuaa nɔ ngɛ dee ngɛ ye he momo ke, nɔ nɛ ɔ lɛɛ pi abɛ kɛkɛ nɛ e buɔ.”

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Habakuk 2:6

Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

Mateo 13:4

Benɛ e ngɛ wu ɔ fĩae ɔ, ekomɛ ya pue blɔ he, nɛ lohwe pɛlitsɛmɛ ba kukuɔ.

Mateo 13:53

Benɛ Yesu gbe abɛ nɛ ɔmɛ a bumi nya a, e je lejɛ ɔ,

Mateo 22:1

Yesu kɛ ni ɔmɛ tu munyu ekohu ngɛ abɛhi a mi ke,

Mateo 24:32

“Nyɛɛ hyɛ ngmɔkɔ tso ɔ, nɛ nyɛɛ kase ní. Ke ngmɔkɔ tso kɔnihi plɔke, nɛ a bɔni ba tsɛ̃mi pɛ nyɛ le kaa latsa be ɔ su ta.

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Marko 3:23

Lɔ ɔ he ɔ, Yesu tsɛ ni ɔmɛ kɛ ba e ngɔ, nɛ e de mɛ ngɛ abɛ gbi mi ke, “Kɛ Abosiami maa pee kɛ hia Abosiami kɛɛ?

Marko 4:13

Kɛkɛ nɛ Yesu bi mɛ ke, “Anɛ nyɛ nui abɛ nɛ ɔ sisi? Lɛɛ kɛ nyɛ maa pee kɛɛ nɛ nyɛ maa nu abɛ ɔmɛ tsuo a sisi mɔ?

Marko 4:33

Yesu gu abɛhi fuu nɛ ngɛ kaa enɛ ɔmɛ a nɔ nɛ e kɛ fiɛ munyu ɔ tsɔɔ ni ɔmɛ bɔ nɛ a ma nyɛ nu sisi.

Luka 12:41

Petro bi Yesu ke, “Abɛ nɛ o bu nɛ ɔ, wa he e kɔɔ, loo ni ɔmɛ tsuo?”

Luka 8:10

e de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi. Se ni kpa amɛ lɛɛ abɛ gbi mi nɛ a deɔ mɛ laami sane ɔmɛ ngɛ. Lɔ ɔ he ɔ, a maa hyɛ, se a be nae; a maa nu se a be sisi nue.”

Yohane 16:25

“Ní nɛ ɔmɛ tsuo ɔ, abɛ gbi mi i de nyɛ ngɛ. Se jehanɛ ɔ, be maa ba nɛ i be munyu tue ngɛ abɛ gbi mi hu. Mohu ma jaje Tsɛ ɔ he sanehi kpookpoo ha nyɛ.