Mateo 13:23 - BAIBLO ALOO NGMAMI KLƆUKLƆU Ɔ

²³ Se wu nɛ ya pue zugba kpakpa nɔ ɔ lɛɛ e daa si ha nihi nɛ nuɔ sɛ gbi ɔ, nɛ a kɔɔ se hulɔ. Mɛ ji ni nɛmɛ nɛ woɔ yiblii ɔ, ni komɛ lafa, ni komɛ nyingmi ekpa, kɛ ni komɛ hu nyingmi etɛ.”

Somi He Ɔ

²³ Se nɔ́ nɛ a du ngɛ zugba kpakpa nɔ ɔ, lɛ ji nɔ nɛ nuɔ munyu ɔ nɛ e kɔɔ se, nɛ e pa woɔ yiblii hulɔ, nɛ e baa, nɔ ko lafa, nɔ ko hu nyingmi ekpa, kɛ nɔ ko hu nyingmi etɛ.”

Mateo 13:23 ပူးပေါင်းရင်းမြစ်များ

Ezekiel 18:31

Yayamihi tsuo nɛ nyɛ pee kɛ si mi ɔ, nyɛ sake mɛ ngɔ pue he. Nyɛ tsake, nɛ́ nyɛ na juɛmi he, kɛ tsui he. Israel ma, mɛni he je nyɛ ngɛ hlae nɛ nyɛ hɛ mi nɛ kpata a?

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Mateo 12:33

“Ke o du tso kpakpa a, e maa wo yiblii kpakpa; ke tso ɔ hí ɔ, e maa wo yiblii yaya. Tso yiblii nɛ a kɛ leɔ tso.

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”

Marko 4:20

Se ni kpa komɛ ngɛ kaa wuhi nɛ ya nɔ zu kpakpa nɔ. Mɛɛ lɛɛ ke a nu munyu ɔ, a pɛtɛɛ he, nɛ a woɔ yiblii, eko nyingmi etɛ, eko nyingmi ekpa, kɛ eko lafa.”

Luka 13:9

Ke e wo yiblii jeha nɛ ma a mi ɔ, saminya. Se ke e wui ɔ, lɛɛ o ma nyɛ ma ha nɛ a po lɛ ngɔ fɔ si.’ ”

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Luka 8:8

Se ekomɛ hu ya pue zugba kpakpa mi, nɛ a puɛ, nɛ a wo yiblii totoe lafa.” Benɛ Yesu de enɛ ɔ gbe nya a, e de ke, “Nɔ nɛ ngɛ tue nɛ nuɔ nɔ ɔ, e nu nɔ́ nɛ i ngɛ dee ɔ!”

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 8:47

Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

2 Korintobi 9:10

Mawu lɛ haa nɔ wu nɛ e duɔ, kɛ ngma nɛ e yeɔ. Wu tsuo nɛ hia nyɛ dumi ɔ, Mawu ma ha nyɛ, nɛ ke nyɛ du ɔ, lɛ nɔuu e ma ha nɛ tso ɔ maa wa. Kpakpa nɛ nyɛ ngɛ pee ɔ, blɔ nɔ nɛ Mawu maa gu nɛ e ma ha nɛ e wo yiblii ji nɛ ɔ nɛ.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

2 Tesalonikabi 2:10

E maa gu yi wu tso ga blɔ nɔ kɛ sisi nihi nɛ a hɛ mi ma kpata a. Ee, a hɛ mi ma kpata, ejakaa a sume nɛ a ngɔ anɔkuale ɔ, konɛ a he a yi wami.

Hebribi 4:2

Ejakaa wɔ hu a fiɛ sane kpakpa a ngɔ tsɔɔ wɔ kaa bɔ nɛ a fiɛ ngɔ tsɔɔ mɛ ɔ nɔuu. A nu sɛ gbi ɔ lɛɛ, se e he ya bɛ se nami ha mɛ; ejakaa ni nɛmɛ nɛ nu ɔ ngɔɛ a hɛ kɛ fɔɛ nɔ́ nɛ a nu ɔ nɔ.

Hebribi 6:7

Zugba nɛ hiɔmi nɛɔ pueɔ nɔ babaaba, nɛ nyu ɔ sɛɔ zu mi, nɛ ní nɛ a duɔ ɔ baa saminya kɛ ha nihi nɛ tsuɔ ní ngɛ nɔ ɔ Mawu gbaa zugba a lɛ.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.