Mateo 13:21 - BAIBLO ALOO NGMAMI KLƆUKLƆU Ɔ

²¹ Se sɛ gbi ɔ he we si ngɛ a mi, nɛ e se kɛ we hulɔ. Ke haomi, loo yi wami ba ngɛ munyu ɔ he ɔ, kɛkɛ a nane kpata.

Somi He Ɔ

²¹ se akɛnɛ e be poku ngɛ e mi ɔ, e hii si be bɔɔ kɛkɛ; nɛ ke haomi loo yi wami ba ngɛ munyu ɔ he ɔ, e kɛ we kɛkɛ ɔ e nane kpataa.

Mateo 13:21 ပူးပေါင်းရင်းမြစ်များ

Hiob 19:28

Benɛ nyɛ bi ke, “Kɛ wa maa pee kɛɛ kɛ wa lɛ yi mi?” ɔ, nyɛ hla nɔ ko nyɛ da nɔ, nɛ nyɛ ba tua mi.

La 36:3

Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

Abɛ Womi 12:12

Yayami peeli a suɔmi nya ní ji kaa a hi yayami pee kpamisa. Nimli kpakpahi lɛɛ a daa si kpɛii.

Abɛ Womi 12:3

Yayami peemi ha we nɛ nɔ yaa nɔ. Nɔ nɛ peeɔ kpakpa lɛɛ e daa si kpɛii.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Mateo 11:6

A gbaa nɔ nɛ mi mi fu we ngɛ ye he.”

Mateo 13:20

Wu nɛ ya pue tɛ sa nɔ ɔ daa si ha nihi nɛ nuɔ sɛ gbi ɔ, nɛ a heɔ amlɔ kɛ bua jɔmi.

Mateo 13:57

Kɛkɛ nɛ a mi mi fu lɛ. Se Yesu de mɛ ke, “A buu gbalɔ ngɛ he tsuaa he, ja lɛ nitsɛ e ma mi, kɛ lɛ nitsɛ e we mi pɛ.”

Mateo 13:6

Se benɛ pu je ɔ, pu ɔ sãã mɛ, nɛ akɛnɛ a be sipoku he je ɔ, a ngla.

Mateo 24:13

Se ni nɛmɛ nɛ maa da haomi nɛ ɔmɛ a nya kɛ yaa su nyagbe ɔ, mɛɛ lɛɛ a ma he a yi wami.

Mateo 26:31

Jehanɛ ɔ, Yesu de mɛ ke, “Nyɔ nɛ ɔ mi ɔ, nyɛ tsuo nyɛ maa tu fo kɛ je ye he. Ejakaa a ngma ke, ‘Ma fia to hyɛlɔ ɔ nɔ, nɛ to kuu ɔ maa gbɛ fĩa.’

Mateo 26:33

Petro ka Yesu kita, nɛ e de ke, “Ke ni ɔmɛ tsuo si mo ɔ, imi lɛɛ i be mo sie gblegbleegble!”

Marko 4:17

Se e he we si ngɛ a mi; nɛ e se kɛ we. Lɔ ɔ he ɔ, ke amanehlu, loo yi mi wami te si ngɛ munyu ɔ he ɔ, a ngmɛɛɔ he oya.

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Yohane 6:26

Yesu he nɔ ke, “I ngɛ nyɛ dee anɔkuale mi ke, pi okadihi nɛ nyɛ na a a he nɛ nyɛ ngɛ mi hlae; se mohu abolo ɔ nɛ nyɛ ye nɛ nyɛ tɔ ɔ he nɛ nyɛ ngɛ mi hlae ɔ nɛ.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Galatabi 6:12

Nihi nɛ hlaa kaa a maa nyɛ nyɛ nɔ kaa ja a po nyɛ doo ɔ, nihi a hɛ mi kɛkɛ lɛ a ngɛ hlae nɛ a sa. Ejakaa a le kaa ke a de ke loko a ma he nɔ ko yi wami ɔ, ja nɔ ɔ na amanehlu kaa Kristo ɔ, nihi maa wa mɛ yi mi.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

2 Timoteo 1:15

Kaa bɔ nɛ o le ɔ, nihi nɛ ngɛ Asia a tsuo kpa ngɛ ye se; a ti ni komɛ ji Figelo kɛ Hermogene.

2 Timoteo 4:10

ejakaa Dema lɛɛ e ya suɔ mwɔnɛmwɔnɛ je nɛ ɔ, nɛ e je ye he kɛ ho Tesalonika ya. Kreske ho Galatia ya, nɛ Tito hu ho Dalmatia ya.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.