Mateo 13:19 - BAIBLO ALOO NGMAMI KLƆUKLƆU Ɔ

¹⁹ Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Somi He Ɔ

¹⁹ Nɔ tsuaa nɔ nɛ nuɔ mɛtsɛ yemi ɔ he munyu ɔ nɛ e kɔ we se ɔ, nɔ yayami ɔ baa ba saa nɔ́ nɛ a du ngɛ e tsui ɔ mi ɔ. Nɔ nɛ ɔ ji nɔ́ nɛ a du ngɛ blɔ tue ɔ nɛ.

Mateo 13:19 ပူးပေါင်းရင်းမြစ်များ

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Abɛ Womi 17:16

Mɛni se kuasia ma na ke e maa hɛɛ sika kɛ ya he nile, be mi nɛ e be juɛmi?

Ezekiel 31:18

“Tso nɛ ɔ daa si ha Egipt matsɛ ɔ, kɛ e ma kpekpemi ɔ tsuo. Tsohi nɛ ngɛ Eden ngmɔ ɔ mi po ka we, nɛ a he hu pee we fɛu kaa tso nɛ ɔ. Se jehanɛ lɛɛ kaa bɔ nɛ Eden ngmɔ ɔ mi tso ɔmɛ ya su gbeje ɔ, lɛ hu e maa ya lejɛ ɔ, nɛ e ma ya piɛ nihi nɛ a pui mɛ, kɛ nihi nɛ nɔ ngɛ ta mi ɔ a he. Imi, Nyɔmtsɛ Yawɛ lɛ i de.”

Mateo 12:26

Lɔ ɔ he ɔ, ke Satan hia Satan ɔ, e tsɔɔ kaa e mi gba, nɛ e kɛ lɛ nitsɛ e he ngɛ ta hwue. Lɛɛ kɛ e matsɛ yemi ɔ maa pee kɛ da si kɛɛ!

Mateo 13:20

Wu nɛ ya pue tɛ sa nɔ ɔ daa si ha nihi nɛ nuɔ sɛ gbi ɔ, nɛ a heɔ amlɔ kɛ bua jɔmi.

Mateo 13:38

Ngmɔ ɔ ji je ɔ; wu kpakpa a ji matsɛ yemi mi bimɛ ɔmɛ; hu ɔ ji nɔ yayami ɔ bimɛ.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Mateo 5:37

Ke nɔ́ ɔ ngɛ mi ɔ, nɔ́ nɛ kɛkɛ nɛ o ma de ji, ‘Ee’; ke e be mi ɔ, de ke, ‘Dɛbi’. Ke nɔ́ kpa ko piɛ he ɔ lɛɛ Abosiami dɛ mi e je.

Marko 4:15

Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Luka 10:9

Nyɛ tsa hiɔtsɛmɛ nɛ ngɛ ma a mi, nɛ nyɛ de ni ɔmɛ tsuo ke, ‘Mawu matsɛ yemi ɔ na nyɛ ta.’

Luka 9:2

Kɛkɛ nɛ e tsɔ mɛ ke a ho nɛ a ya fiɛ Mawu matsɛ yemi ɔ he munyu ɔ, nɛ a tsa hiɔtsɛmɛ.

Yohane 18:38

Pilato bi lɛ ke, “Mɛni ji anɔkuale?” Enɛ ɔ se ɔ, Pilato kpale je kpo ekohu kɛ ya Yuda bi ɔmɛ a ngɔ, nɛ e ya de mɛ ke, “Imi lɛɛ i nɛ sane yobu ko kulaa ngɛ e he nɛ ma da nɔ kɛ bu lɛ fɔ.

Yohane 8:43

Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ.

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Ni Tsumi 18:15

Se akɛnɛ munyunguhi, kɛ biɛhi, kɛ nyɛ mlaa a he nyɛ ngɛ sane yee ngɛ nɛ ɔ, nyɛ nitsɛmɛ nyɛ ya hyɛ mi. Sanehi nɛ ngɛ kaa kikɛ nɛ ɔ, i be kojoe.”

Ni Tsumi 20:25

“I kpa nyɛ tsuo nyɛ nɔ, nɛ i fiɛ Mawu matsɛ yemi ɔ he sane ɔ tsɔɔ nyɛ. Amlɔ nɛ ɔ, i le kaa nyɛ ti nɔ ko be mi nae hu.

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

2 Tesalonikabi 2:12

Kɛkɛ ɔ, nihi tsuo nɛ he we anɔkuale ɔ yi, se yayami mohu he a bua jɔɔ ɔ, a maa bu mɛ fɔ.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e bua jɔɛ yayami peemi he. Ejakaa Mawu Bi ɔ baa e yi, nɛ Abosiami na we e he blɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.