Mateo 13:15 - BAIBLO ALOO NGMAMI KLƆUKLƆU Ɔ

¹⁵ Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Somi He Ɔ

¹⁵ Ejakaa kikɛmɛ a ma nɛ ɔ tsui ti, Nɛ a tue wa, Nɛ a ma a hɛngmɛ; Konɛ a ko hyɛ nɔ kɛ a hɛngmɛ, Nɛ a ko nu nɔ kɛ a tue, Nɛ a tsui hu ko na sisi, Nɛ a kpale nɛ a tsa mɛ.’

Mateo 13:15 ပူးပေါင်းရင်းမြစ်များ

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Marko 4:12

konɛ ‘Ke a na a, a ko kɔ se, nɛ ke a nu ɔ, a ko nu sisi. Ke pi jã a, a maa kpale kɛ ba Mawu ngɔ, nɛ e kɛ a he yayami ɔmɛ maa pa mɛ.’ ”

Zakaria 7:11

“Se ye ma a bui mi tue fɛɛ; a si a konɔ wo mi, nɛ a tsi a tue, konɛ a ko nu nɔ́ nɛ i ngɛ mɛ dee ɔ.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Yeremia 17:14

Yawɛ, tsa mi, nɛ ye he mi nɛ wa mi kɛ pi si. He mi, konɛ ye yi nɛ na wami, ejakaa mo pɛ o yi i jeɔ.

Hebribi 5:11

Wa ngɛ munyuhi fuu nɛ wa maa tu ngɛ enɛ ɔ he, se e sisi tsɔɔmi wa, nɛ nyɛ nɔ́ sisi numi yee.

2 Timoteo 4:4

A be suɔe kulaa kaa a maa nu anɔkuale ɔ; a ma hla kaa a maa bu nyazia mohu tue.

Ni Tsumi 7:57

Se kpe ngua a mi bi ɔmɛ kpa ngmlaa wawɛɛ, nɛ a kɛ a nine tsi a tue. A tu kɛ ba yu e nɔ.

La 119:70

Mɛɛ lɛɛ a nui nɔ́ ko nɔ́ ko sisi, se imi lɛɛ i naa o mlaa a he bua jɔmi.

Kpojemi 22:2

kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Yeremia 33:6

Se kɛ̃ ɔ, be ma nɛ ma tsa Yerusalem hiɔ ɔ, nɛ ma ha nɛ ma mi bi ɔmɛ ma na he wami. Ma ha nɛ a ma plɔke, nɛ a ma na he jɔmi.

Yesaya 57:18

“I na níhi nɛ a ngɛ pee ɔ, se ma tsa mɛ. Ma tsɔɔ mɛ blɔ, nɛ ma piɛ a he; nɛ ma wo kɔmɔ yeli ɔmɛ bua!

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Luka 19:42

nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!

Ni Tsumi 28:27

Ejakaa ma nɛ ɔ nui nɔ́ sisi kulaa; nɔ́ ko nɔ́ ko sɛ we a tue mi. Ke pi jã a, a maa hyɛ nɔ́, nɛ a maa nu nɔ́, nɛ a juɛmi ma kɔ nɔ́ se. Kɛkɛ ɔ, a maa kpale kɛ ba imi Mawu, ye ngɔ, nɛ ma he a yi wami.’ ”

Abɛ Womi 16:30

Nihi nɛ muɔɔ nɛ a jeɔ a lungu kpo kɛ tsɔɔ mo, nɛ a hii a hɛngmɛ fiae kɛ ha mo ɔ, ga yayami a ngɛ toe ɔ nɛ. Moo hyɛ mɛ saminya.