Mateo 13:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ he ɔ, gbami nɛ Yesaya gba a kɔɔ a he niinɛ. E ke, ‘Niinɛ, nyɛ maa nu, se nyɛ be sisi nue. Niinɛ, nyɛ maa na, se nyɛ be se kɔe.

Somi He Ɔ

¹⁴ Nɛ Yesaia gbami ɔ ba mi ngɛ a he, nɔ́ nɛ deɔ ke: ‘Numi ɔ nyɛ maa nu lɛɛ, se nyɛ be sisi nue; Nɛ nami ɔ nyɛ maa na lɛɛ, se nyɛ be se kɔe.

Mateo 13:14 ပူးပေါင်းရင်းမြစ်များ

Ezekiel 12:2

E ke, “Nɔmlɔ adesa, nimli nɛ a tue wa a kpɛti o ngɛ ɔ nɛ. A ngɛ hɛngmɛ, se a hyɛ we nɔ́; a ngɛ tue hulɔ, se a nui nɔ́; ejakaa atuã tsɔli ji mɛ.

2 Korintobi 3:14

Niinɛ, a nga a juɛmi nya! Kɛ ba su mwɔnɛ ligbi nɛ ɔ, kaa nɔ́ nɛ jamɛ a hɛ mi hami nɔ́ ɔ ha a hɛ mi kɛ mwɔɔ; ejakaa ke a kane somi momo ɔ, a nui sisi. Kristo pɛ lɛ ma nyɛ ma je hɛ mi hami nɔ́ nɛ ɔ.

Luka 8:10

e de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi. Se ni kpa amɛ lɛɛ abɛ gbi mi nɛ a deɔ mɛ laami sane ɔmɛ ngɛ. Lɔ ɔ he ɔ, a maa hyɛ, se a be nae; a maa nu se a be sisi nue.”

Marko 4:12

konɛ ‘Ke a na a, a ko kɔ se, nɛ ke a nu ɔ, a ko nu sisi. Ke pi jã a, a maa kpale kɛ ba Mawu ngɔ, nɛ e kɛ a he yayami ɔmɛ maa pa mɛ.’ ”

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Romabi 10:16

Se kɛ̃ ɔ, pi Israel bi ɔmɛ tsuo nɛ he sane kpakpa a. Ejakaa Yesaya de ke, “Nyɔmtsɛ, wa sane ɔ, mɛnɔ he ye?”