Mateo 12:8 - BAIBLO ALOO NGMAMI KLƆUKLƆU Ɔ

⁸ Ejakaa Mawu Bi ɔ, Hejɔɔmi ligbi ɔ tete nyɔmtsɛ ji lɛ.”

Somi He Ɔ

⁸ Ejakaa Hejɔɔmi Ligbi ɔ nyɔmtsɛ ji Nɔmlɔ Bi ɔ.”

Mateo 12:8 ပူးပေါင်းရင်းမြစ်များ

Luka 6:5

Yesu de kɛ gbe nya ke, “Mawu Bi ɔ, Hejɔɔmi ligbi ɔ tete Nyɔmtsɛ ji lɛ.”

Marko 2:28

Lɔ ɔ he ɔ, Hejɔɔmi ligbi ɔ po e nyɔmtsɛ ji Nɔmlɔ Bi ɔ.”

Mateo 9:6

Jehanɛ lɛɛ ma tsɔɔ nyɛ kaa Nɔmlɔ Bi ɔ ngɛ he blɔ kaa e ngɔɔ nihi a he yayamihi kɛ paa mɛ.” Kɛkɛ nɛ e de hiɔtsɛ ɔ ke, “Tee si, ngɔɔ o sa a, nɛ o ho we mi ya!”

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

1 Korintobi 9:21

Jã kɛ̃ ngɛ ma je li a kpɛti ɔ, i peeɔ ye ní kaa ma je no, nɛ i yi Yuda mlaa a nɔ. I peeɔ enɛ ɔ, bɔ nɛ pee nɛ ye nine nɛ su ma je li ɔmɛ a nɔ. Se enɛ ɔ tsɔɔ we kaa i kɛ Mawu mlaa a be nɔ́ ko peemi. Dɛbi! Kristo mlaa a nɔ i yeɔ.

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.