Mateo 12:44 - BAIBLO ALOO NGMAMI KLƆUKLƆU Ɔ

⁴⁴ e deɔ e he ke, ‘Ma kpale ye se kɛ ya ye we ɔ mi he nɛ i je ɔ.’ Ke e ba a, e naa kaa we ɔ fɔɔ si gu, nɛ a bɛɛ mi, nɛ a dla mi.

Somi He Ɔ

⁴⁴ Nɛ e deɔ ke: ‘Ma kpale ye se kɛ ya ye we he nɛ i je ɔ.’ Nɛ ke ba a, e naa kaa e fɔɔ si gu, nɛ a bɛɛ mi, nɛ a dla mi.

Mateo 12:44 ပူးပေါင်းရင်းမြစ်များ

Hosea 7:6

Niinɛ, ke a ngɛ ga yaya amɛ toe ɔ, a mi mi fuɔ kaa flɔɔnɔɔ kɛ e mi la gegeege. Nyɔ mi tsuo ɔ, la a tsoɔ tikɔɔ, se ke je na a, e tsoɔ gegeege.

Mateo 12:29

“Kɛ nɔ ko ma plɛ kɛ sɛ nɔ nɛ he wa we mi nɛ e ya ju kɛɛ? Ja e fi nɔmlɔ nɛ he wa nɛ ɔ kekle, loko e ma nyɛ ya ju ngɛ e we ɔ mi.

Mateo 12:43

“Ke mumi yayami je nɔ ko mi ɔ, e ya kpaa si ngɛ nga kplanaa nɔ nɛ e hlaa he nɛ e maa jɔɔ e he ngɛ. Ke e nɛ́ he ko ɔ,

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Luka 11:25

Ke e ba a, e ba naa kaa a bɛɛ we ɔ mi, nɛ a dla mi.

Yohane 12:6

Se enɛ ɔ nɛ e de ɔ, pi kaa ohiatsɛmɛ ɔmɛ a he nɔ́ nɛ ngɛ lɛ dɔe. Mohu julɔ ji lɛ; nɛ akɛnɛ sika kpɛɛ ɔ ngɛ e dɛ ɔ, ke pee ɔ, e juɔ nɔ́ nɛ a ngɔ woɔ mi ɔ eko.

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Yohane 13:27

Amlɔ nɔuu nɛ Yuda sɔle abolo ɔ, Abosiami sɛ e mi. Yesu de lɛ ke, “Nɔ nɛ o ngɛ pee ɔ, pee esɔ.”

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.