Mateo 12:42 - BAIBLO ALOO NGMAMI KLƆUKLƆU Ɔ

⁴² Kojomi ligbi ɔ, Sheba manyɛ ɔ maa te si nɛ e maa po nyɛ nya; ejakaa e hia blɔ kɛ je e ma mi tɔɔ kɛ ba bu Matsɛ Salomo nile munyuhi tue. Se i ngɛ nyɛ dee ke nɔ́ ko ngɛ hiɛ ɔ nɛ pe Salomo!

Somi He Ɔ

⁴² Leneyi (Wo yi je) manye ɔ maa te si ngɔ wo kikɛmɛ a yi nɔ bi nɛ ɔmɛ ngɛ kojomi ɔ mi, nɛ e maa bu mɛ fɔ; ejakaa e je zugba a nyagbe he ba bu Salomo ni lemi ɔ tue; nɛ oʼɛ, nɔ́ nɛ pe Salomo ngɛ hiɛ ɔ.”

Mateo 12:42 ပူးပေါင်းရင်းမြစ်များ

Matsɛmɛ I, 10:24

nɛ je ɔ tsuo hlaa kaa a maa ba nɛ a ba bu nile nɛ Mawu ngɔ ha lɛ ɔ tue.

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Matsɛmɛ I, 4:29

Mawu ha Salomo nile, nɔ́ sisi numi, kɛ juɛmi nɛ nya wa babauu nitsɛ bɔ nɛ a be nyɛe maa kale.

Matsɛmɛ I, 4:34

Zugba a nɔ matsɛmɛ ɔmɛ tsuo nu e nile ɔ he, nɛ a woɔ nihi blɔ kɛ yaa ya buɔ lɛ tue.

Matsɛmɛ I, 5:12

Yawɛ ye e siwo ɔ nɔ, nɛ e ha Salomo nile. Hiram kɛ Salomo hi si ngɛ tue mi jɔmi mi; mɛ ni enyɔ ɔmɛ a so somi.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Mateo 12:41

Kojomi ligbi ɔ, Nineve bi ɔmɛ maa te si nɛ a maa po nyɛ nya; ejakaa benɛ a nu nɛ Yona ngɛ fiɛe ɔ, a tsake a tsui. Se i ngɛ nyɛ dee ke nɔ́ ko ngɛ hiɛ ɔ nɛ pe Yona.

Mateo 12:6

I ngɛ nyɛ dee ke, nɔ́ ko ngɛ hiɛ ɔ nɛ pe sɔlemi we ɔ.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Mose V, 30:13

E be wo se hulɔ nɛ nyɛ ma bi ke, ‘Mɛnɔ maa po wo, nɛ e ya ngɔ kɛ ba, konɛ waa nu, nɛ waa ye nɔ?’