Mateo 12:41 - BAIBLO ALOO NGMAMI KLƆUKLƆU Ɔ

⁴¹ Kojomi ligbi ɔ, Nineve bi ɔmɛ maa te si nɛ a maa po nyɛ nya; ejakaa benɛ a nu nɛ Yona ngɛ fiɛe ɔ, a tsake a tsui. Se i ngɛ nyɛ dee ke nɔ́ ko ngɛ hiɛ ɔ nɛ pe Yona.

Somi He Ɔ

⁴¹ Ninive nyumu ɔmɛ maa te si ngɔ wo kikɛ yi nɔ bi nɛ ɔmɛ ngɛ kojomi ɔ mi, nɛ a maa bu mɛ fɔ; ejakaa a tsake a tsui ngɛ Yona fiɛmi ɔ nya; nɛ oʼɛ, nɔ́ nɛ pe Yona ngɛ hiɛ ɔ.

Mateo 12:41 ပူးပေါင်းရင်းမြစ်များ

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Yeremia 3:11

Jehanɛ, Yawɛ de mi ke Israel tsɔ e hɛ mi atuã mohu lɛɛ, se afani lɛ kulaa ngɛ Yuda he.

Yona 1:2

“Yaa Nineve ma nguaa a mi nɛ o ya kuɛ wo ma mi bi ɔmɛ, nɛ o de mɛ ke, i na paa kaa a yi mi wami ɔ su he ko jehanɛ.”

Yona 3:4

Yona ba su ma a mi, nɛ kekleekle ligbi ɔ nɔ ɔ, e bɔni kpami kɛ ngɛ a tue mi woe ke, “Hiɛmɛ nɛ ɔ ligbi nyingmi eywiɛ se ɔ, a ma kpata Nineve hɛ mi.”

Mateo 12:39

Yesu he nɔ nɛ e de ke, “Nyɛ yi nɔ yaya bi nɛ nyɛ li Mawu! Nyɛ ke nyɛ ngɛ ye nine nya okadi hlae, pi ja? Dɛbi! Okadi pɛ nɛ a ma ha nyɛ ji gbalɔ Yona nɔ́ ɔ.

Mateo 12:42

Kojomi ligbi ɔ, Sheba manyɛ ɔ maa te si nɛ e maa po nyɛ nya; ejakaa e hia blɔ kɛ je e ma mi tɔɔ kɛ ba bu Matsɛ Salomo nile munyuhi tue. Se i ngɛ nyɛ dee ke nɔ́ ko ngɛ hiɛ ɔ nɛ pe Salomo!

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Mateo 12:6

I ngɛ nyɛ dee ke, nɔ́ ko ngɛ hiɛ ɔ nɛ pe sɔlemi we ɔ.

Mateo 16:4

Mwɔnɛmwɔnɛ yi nɔ bi yayami nɛ li Mawu! Nyɛ bi ke ma pee nyakpɛ nɔ́ ko ha nyɛ, pi jã? Dɛbi! Okadi pɛ nɛ a ma ha nyɛ ji Yona nɔ́ ɔ.” Kɛkɛ nɛ Yesu je a he, nɛ e pue nɔ kɛ ho.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Mateo 23:36

Niinɛ, i ngɛ nyɛ dee ke, tue gblami nɛ ɔ maa ba yi nɔ bi nɛ ɔmɛ tsuo a nɔ!

Luka 11:32

Kojomi ligbi ɔ, Nineve bi maa da si, nɛ a maa ye odase ngɔ si nyɛ. Ejakaa benɛ a nu Yona fiɛmi ɔ, a tsake a tsui. Se i ngɛ nyɛ dee ke, nɔ́ ko ngɛ hiɛ ɔ nɛ pe Yona tete!

Yohane 3:31

Nɔ nɛ je hiɔwe kɛ ba a pe nihi tsuo. Nɔ nɛ ngɛ je ɔ mi ɔ, je mi no ji lɛ, nɛ je mi níhi a he munyu e tuɔ. Se nɔ nɛ je hiɔwe ɔ pe nɔ tsuaa nɔ.

Yohane 4:12

Wa nɛ̃ Yakob nɛ ha wɔ kikɛmɛ a vu nɛ ɔ; nɛ lɛ nitsɛ, kɛ e bimɛ, kɛ e lohwehi tsuo nu e mi nyu. Anɛ o ngɛ hlae nɛ o tsɔɔ kaa moo o pe Yakob ɔ lo?”

Romabi 2:27

Lɔ ɔ he ɔ, nyɛ Yuda bi, ma je li ɔmɛ maa kojo nyɛ, ejakaa nyɛ nɛ a ngma mlaa a ngɔ ha, nɛ́ mlaa a nya a poɔ nyɛ ɔ, nyɛ tɔɔ mlaa a. Se mɛɛ lɛɛ a yeɔ mlaa a nɔ, pohu a pui mɛ.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.