Mateo 12:4 - BAIBLO ALOO NGMAMI KLƆUKLƆU Ɔ

⁴ David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Somi He Ɔ

⁴ Bɔ nɛ e sɛ Mawu we ɔ nɛ e ya ye hɛ mi mami abolo nɛ e dɛ blɔ kaa lɛ loo nihi nɛ kɛ lɛ ngɛ ɔ yeɔ ɔ, kaa ja osɔfɔ ɔmɛ kɛkɛ ɔ?

Mateo 12:4 ပူးပေါင်းရင်းမြစ်များ

Mose II, 25:30

Nɛ o ngɔ abolo klɛdɛɛ ɔ nɛ a kɛ maa ma ye hɛ mi daa a kɛ ma okplɔɔ ɔ nɔ.

Mose III, 8:31

Enɛ ɔ se ɔ, Mose de Aaron kɛ e binyumu ɔmɛ ke, “Nyɛ ya hoo lo ɔ ngɛ kpe he bo tsu ɔ sinya a nya, nɛ nyɛɛ ye ngɛ lejɛ ɔ; nyɛɛ ngɔ abolo ɔ nɛ ngɛ kusii nɛ osɔfo womi bɔ sami ní ɔmɛ ngɛ mi ɔ kɛ ye kaa bɔ nɛ Yawɛ fa ke Aaron kɛ e binyumu ɔmɛ pɛ nɛ a ye ɔ.

Samuel I, 21:4

Osɔfo ɔ de David ke, “I be abolo gu ko ngɛ hiɛ ɔ; abolo klɔuklɔu lɛ ngɛ. Ke o we bi ɔmɛ ya tɛ yihi a he ɔ, lɛɛ ma nyɛ ma ha nyɛ.”

Samuel I, 21:6

Lɔ ɔ he ɔ, osɔfo ɔ ngɔ abolo klɔuklɔu ɔ ngɔ ha lɛ; ejakaa abolo kpa ko be lejɛ ɔ, pe abolo klɛdɛɛ ɔ nɛ a je kɛ je Yawɛ hɛ mi ligbi ɔ nɛ a kɛ abolo kala a tsake ɔ.

Mateo 12:3

Yesu he nɔ ke, “Nɔ́ nɛ David pee ligbi ko, benɛ hwɔ ngɛ e kɛ e we bi ɔmɛ yee ɔ, anɛ nyɛ kane we lo?

Mateo 12:5

Aloo nyɛ kane we ngɛ Mose mlaa a mi kaa daa Hejɔɔmi ligbi ɔ, osɔfohi nɛ ngɛ sɔlemi we ɔ bleɔ Hejɔɔmi ligbi ɔ, se kɛ̃ a yi fɔ lo?

Marko 2:26

lɔ ɔ he ɔ, e ya Mawu we ɔ mi, nɛ e ya ye abolo klɛdɛɛ nɛ a kɛ maa Mawu hɛ mi ɔ. Enɛ ɔ ba mi benɛ Abiatar ngɛ osɔfo nɔkɔtɔma pe kulaa yee ɔ. Wa mlaa a nya a, osɔfo ɔmɛ pɛ lɛ a ngɛ he blɔ nɛ a yeɔ abolo nɛ ɔ, se David ye eko, nɛ e ha nihi nɛ kɛ lɛ nyɛɛ ɔ tete eko nɛ a ye.”

Luka 6:4

David ya Mawu we ɔ mi, nɛ e kɛ̃ abolo ɔ nɛ a kɛ maa Mawu hɛ ɔ. E ye eko, nɛ e ha e we bi ɔmɛ hu eko nɛ a ye. Wa mlaa a ngmɛ́ blɔ kaa nɔ ko yeɔ jamɛ a abolo ɔ; osɔfo ɔmɛ pɛ lɛ a ngɛ he blɔ nɛ a yeɔ.”

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.