Mateo 12:36 - BAIBLO ALOO NGMAMI KLƆUKLƆU Ɔ

³⁶ “I ngɛ nyɛ dee ke kojomi ligbi ɔ, nyɛ ti nɔ tsuaa nɔ maa bu akɔtaa ngɛ yaka munyu tsuaa yaka munyu nɛ e tu hyɛ he.

Somi He Ɔ

³⁶ “Se i ngɛ nyɛ dee ke, yaka munyu tsuaa yaka munyu nɛ nimli tuɔ ɔ, a maa bu he akɔɔtaa ngɛ kojomi ligbi ɔ nɔ.

Mateo 12:36 ပူးပေါင်းရင်းမြစ်များ

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Mateo 10:15

Niinɛ, i ngɛ nyɛ dee ke, kojomi ligbi ɔ, Mawu maa gbla jamɛ a ma a tue kulaa pe Sodom kɛ Gomora tete.

Mateo 11:22

I ngɛ nyɛ dee ke, kojomi ligbi ɔ, Mawu maa na Tiro kɛ Sidon bi mɔbɔ kulaa pe nyɛ!

Mateo 12:37

Munyuhi nɛ nyɛ tu ɔ, lɔ ɔmɛ a nɔ a maa da kɛ wo nyɛ nguɔ, nɛ lɔ ɔmɛ nɔuu a nɔ a maa da kɛ bu nyɛ fɔ.”

Romabi 14:12

Lɛɛ wa ti nɔ tsuaa nɔ maa bu lɛ nitsɛ e he akɔtaa ngɛ Mawu hɛ mi.

Yakobo 3:6

Ee, lilɛ ngɛ kaa la. Nɔmlɔ tso ɔ he nɔ́ kake nɛ ji lilɛ ɔ, yi wu tso ní sɔuu e tsuɔ. E kɛ yayami bleɔ nɔmlɔ tso ɔ tsuo. La nɛ je Abosiami a je nitsɛnitsɛ lɛ e kɛ mɛɛ wɔ kɛ kpataa wa hɛ mi pɛsɛɛ.