Mateo 12:35 - BAIBLO ALOO NGMAMI KLƆUKLƆU Ɔ

³⁵ Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Somi He Ɔ

³⁵ Nɔmlɔ kpakpa jeɔ ni kpakpahi kɛ jee e tsui mi juetli kpakpa a mi; nɛ nɔmlɔ yayami hu jeɔ ni yayahi kɛ jee e tsui mi juetli yaya a mi.

Mateo 12:35 ပူးပေါင်းရင်းမြစ်များ

Hiob 8:10

Nyɛ ha nɛ blema ní leli nɛ tsɔɔ nyɛ ní; nyɛɛ bu a nya mi munyu ɔmɛ tue:

Abɛ Womi 12:6

Yayami peeli a nya mi munyu kpataa nɔ hɛ mi. Se nihi nɛ peeɔ nɔ́ nɛ da lɛɛ a nya mi munyu heɔ nɔ yi wami.

Abɛ Womi 15:23

E ji bua jɔmi sane kaa a ma ha munyu heto pɛpɛɛpɛ. Munyu nɛ a tu ngɛ be nɛ sa mi ɔ, hyɛ bɔ nɛ e hi ha!

Abɛ Womi 15:28

Ke dalɔ ma ha munyu heto ɔ, e susuɔ he saminya. Yiwutsotsɛ lɛɛ munyu yaya lɛ jeɔ e nya mi.

Abɛ Womi 15:4

Munyu blɛuu kɛ he jɔmi baa; se ke sisimi ba je mi pɛ e gbeɔ nɔ mumi.

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Mateo 7:17

Tso kpakpa a, yiblii kpakpa nɛ e woɔ, nɛ tso yaya hu woɔ yiblii yaya.

Luka 6:45

Nɔmlɔ kpakpa susuɔ ní kpakpahi a he ngɛ e yi mi, nɛ e tuɔ munyu kpakpa; nɔmlɔ yayami susuɔ ní yayamihi ngɛ e yi mi, nɛ e tuɔ munyu yaya. Susumihi nɛ hyi nɔ ko yi mi tɔtɔɔtɔ ɔ ji munyuhi nɛ jeɔ kpo ngɛ nɔ ɔ nya.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.