Mateo 12:31 - BAIBLO ALOO NGMAMI KLƆUKLƆU Ɔ

³¹ Lɔ ɔ he ɔ, i ngɛ nyɛ dee ke, yayamihi nɛ nihi pee, kɛ musuhi nɛ a bɔ ɔ, a kɛ lɛ tsuo maa pa mɛ. Se nɔ nɛ maa bɔ musu kɛ si Mumi Klɔuklɔu ɔ, a kɛ be lɛ pae.

Somi He Ɔ

³¹ Lɔ ɔ he ɔ, i ngɛ nyɛ dee ke: A maa ngɔ yayami kɛ musu bɔmi tsuo ngɔ pa nimli: se Mumi ɔ he musu bɔmi ɔ, a kɛ be nimli pae.

Mateo 12:31 ပူးပေါင်းရင်းမြစ်များ

Luka 12:10

“Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ; se nɔ nɛ maa tu musu bɔmi munyu kɛ si Mumi Klɔuklɔu ɔ, a kɛ be lɛ pae.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

Hebribi 6:4

Nihi nɛ he we Kristo yi hu ɔ, kɛ nɔ ko maa pee kɛ tsake mɛ ekohu kɛɛ? Be ko ɔ, a na Mawu la a, Mawu nike ní ɔ hu a tso hyɛ, nɛ Mumi Klɔuklɔu ɔ hu ba a nɔ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Mose III, 24:16

e sa nɛ a gbe lɛ. Israel fɔfɔɛ, loo nubwɔ nɛ maa bɔ musu kaa kikɛ nɛ ɔ, ma a tsuo nɛ fia lɛ tɛ nɛ e gbo.