Mateo 12:26 - BAIBLO ALOO NGMAMI KLƆUKLƆU Ɔ

²⁶ Lɔ ɔ he ɔ, ke Satan hia Satan ɔ, e tsɔɔ kaa e mi gba, nɛ e kɛ lɛ nitsɛ e he ngɛ ta hwue. Lɛɛ kɛ e matsɛ yemi ɔ maa pee kɛ da si kɛɛ!

Somi He Ɔ

²⁶ Nɛ ke satan hia satan a, e gba wo lɛ nitse e he; lɛɛ kɛ e matsɛ yemi ɔ maa pee kɛ da si kɛɛ?

Mateo 12:26 ပူးပေါင်းရင်းမြစ်များ

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Kpojemi 16:10

Bɔfo enuɔne ɔ plɛ e kplu ɔ mi nɔ́ ɔ ngɔ pue lohwe awi yelɔ ɔ matsɛ sɛ ɔ nɔ. Diblii wo ngɛ lohwe ɔ matsɛ yemi ɔ mi, nɛ nihi a he hia mɛ, nɛ a ta a lilɛ.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Yohane 16:11

Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Mateo 9:34

Se Farisi bi ɔmɛ de ke, “Mumi yayamihi a tsɛ ɔ he wami nɛ e kɛ hiaa mumi yayami ɔmɛ ɔ nɛ.”

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.