Mateo 12:2 - BAIBLO ALOO NGMAMI KLƆUKLƆU Ɔ

² Benɛ Farisi bi ɔmɛ na a, a de Yesu ke, “Hyɛ, nɔ́ nɛ o kaseli ɔmɛ ngɛ pee nɛ ɔ, mlaa a ngmɛ́ blɔ kaa a peeɔ Hejɔɔmi ligbi ɔ.”

Somi He Ɔ

² Se benɛ Farisifo ɔmɛ na a, a de lɛ ke: “Oʼɛ, o kaseli ɔmɛ ngɛ nɔ nɛ a ngmɛ́ blɔ kaa a peɔ ngɛ Hejɔɔmi Ligbi ɔ nɔ ɔ pee.”

Mateo 12:2 ပူးပေါင်းရင်းမြစ်များ

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose II, 35:2

Ligbi ekpa nyɛ kɛ tsu ní, se ligbi nɛ ji kpaago ɔ lɛɛ nyɛɛ ye lɛ kaa Hejɔɔmi ligbi klɔuklɔu ha imi Yawɛ. Nɔ tsuaa nɔ nɛ ma tsu ní jamɛ a ligbi ɔ, a gbe lɛ.

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Mateo 12:10

nɛ e na nyumu ko nɛ e nine kake gbo. Ni komɛ ngɛ lejɛ ɔ nɛ a ngɛ hlae nɛ a po Yesu nya kaa e ngɛ nɔ́ nɛ dɛ blɔ pee. Lɔ ɔ he ɔ, a bi lɛ ke, “Ke a tsa nɔ Hejɔɔmi ligbi ɔ, anɛ a tɔ mlaa a lo?”

Mateo 12:3

Yesu he nɔ ke, “Nɔ́ nɛ David pee ligbi ko, benɛ hwɔ ngɛ e kɛ e we bi ɔmɛ yee ɔ, anɛ nyɛ kane we lo?

Marko 2:24

Lɔ ɔ he ɔ, Farisi bi ɔmɛ bi Yesu ke, “Hyɛ, mɛni he je o kaseli ɔmɛ ngɛ nɔ nɛ mlaa a ngmɛ́ blɔ pee Hejɔɔmi ligbi ɔ?”

Luka 14:3

Kɛkɛ nɛ Yesu wo e nya nɔ nɛ e bi mlaa tsɔɔli ɔmɛ, kɛ Farisi bi ɔmɛ ke, “Anɛ wa mlaa a ngmɛɛ blɔ kaa a tsa nɔ Hejɔɔmi ligbi ɔ lo?”

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.

Luka 6:2

Kɛkɛ nɛ Farisi bi komɛ bi mɛ ke, “Nɔ́ nɛ mlaa a ngmɛ́ blɔ kaa a peeɔ Hejɔɔmi ligbi ɔ, mɛni he je nyɛ ngɛ pee?”