Mateo 12:18 - BAIBLO ALOO NGMAMI KLƆUKLƆU Ɔ

¹⁸ “Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

Somi He Ɔ

¹⁸ “Oʼɛ, ye tsɔlɔ nɛ i hla a, Ye suɔlɔ nɛ ye klaa naa e he tsui ɔ, I kɛ ye mumi ɔ maa to e nɔ, Nɛ e maa fiɛ kojomi ngɔ tsɔɔ majeli ɔmɛ.

Mateo 12:18 ပူးပေါင်းရင်းမြစ်များ

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 52:13

Yawɛ ke, “Ye tsɔlɔ ɔ maa ye manye ngɛ e ní tsumi mi; a ma wo e nɔ gojoo, nɛ a maa wo e hɛ mi nyami babauu!

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 62:2

Yerusalem, je ma amɛ maa na kaa o ye kunimi, nɛ matsɛmɛ ɔmɛ tsuo maa na o hɛ mi nyami ɔ. A maa wo mo biɛ he. Biɛ nɛ Yawɛ nitsɛ maa wo mo ɔ, lɔ ɔ a kɛ ma tsɛ mo.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Mateo 12:17

E pee nɔ́ nɛ ɔ, bɔ nɛ pee nɛ nɔ́ nɛ Mawu de kɛ gu gbalɔ Yesaya nɔ ɔ nɛ ba mi ke,

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Marko 1:11

E nu gbi ko je hiɔwe de ke, “Mo ji ye bi nɛ i suɔ; i naa o he bua jɔmi saminya.”

Marko 9:7

Amlɔ ɔ, bɔku ko ba ha a nɔ, nɛ gbi ko je bɔku ɔ mi de ke, “Nɔ nɛ ɔ ji ye bi nɛ i suɔ lɛ saminya a nɛ; nyɛɛ bu lɛ tue!”

Luka 23:35

Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”

Luka 3:22

nɛ Mumi Klɔuklɔu ɔ kple si kɛ ba e nɔ kɛ su nɛ ngɛ kaa lahuɛ. Nɛ gbi ko je hiɔwe de ke, “Mo ji ye bi nɛ i suɔ; i naa o he bua jɔmi saminya.”

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Luka 9:35

Kɛkɛ nɛ Mawu tu munyu kɛ je bɔku ɔ mi ke, “Ye Bi nɛ i hla ji nɛ ɔ nɛ; nyɛɛ bu lɛ tue!”

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Kolosebi 1:1

Imi Paulo nɛ Mawu suɔmi nya nɛ i ba pee Kristo Yesu bɔfo ɔ, i kɛ wa nyɛmi Timoteo ngma womi nɛ ɔ

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.

2 Petro 1:17

Wa ngɛ lejɛ ɔ benɛ Tsɛ Mawu wo e hɛ mi nyami ɔ. Jamɛ a be ɔ, gbi pɛ kɛ je hɛ mi nyami kpetekpleenyɛ ɔ ngɔ ke, “Nɔ nɛ ɔ ji ye Bi nɛ i suɔ, nɛ i naa e he tsui!”