Mateo 12:12 - BAIBLO ALOO NGMAMI KLƆUKLƆU Ɔ

¹² Anɛ nɔmlɔ he jua wɛ kulaa pi to lo? Lɔ ɔ he ɔ, wa mlaa a ngmɛɔ blɔ kaa a pee kpakpa Hejɔɔmi ligbi ɔ.”

Somi He Ɔ

¹² Anɛ nɔmlɔ he jua wɛ babauu pi to lo? Lɔ ɔ he ɔ e da blɔ kaa a peɔ kpakpa ngɛ Hejɔɔmi Ligbi ɔ nɔ.”

Mateo 12:12 ပူးပေါင်းရင်းမြစ်များ

Mateo 10:31

Lɔ ɔ he ɔ, nyɛ ko ye gbeye; nyɛ he jua wa hluu pe otokliihi babauu.

Mateo 6:26

Nyɛɛ hyɛ lohwe pɛlitsɛmɛ ha; a du we ní, nɛ a kpa we ní; jehanɛ hu, a bua we ní nya kɛ wui ngma gba mi. Se nyɛ Tsɛ nɛ ngɛ hiɔwe ɔ lɛɔ mɛ. Anɛ nyɛ he jua wɛ hluu pi mɛ lo?

Marko 3:4

Kɛkɛ nɛ e bi ni ɔmɛ ke, “Anɛ e da kaa a peeɔ kpakpa, loo a peeɔ yayami Hejɔɔmi ligbi ɔ; e da kaa a heɔ nɔmlɔ yi wami, aloo a gbee lɛ?” Se mɛɛ lɛɛ a pɛ̃ nya mi.

Luka 12:24

Nyɛɛ hyɛ kuakualabitehi ha; a du we ní, nɛ a kpa we ní hulɔ; a be nito he, loo blɛfo gba; se Mawu lɛɛ mɛ! Hyɛ kaa nyɛ he jua wa hluu pe lohwe pɛlitsɛmɛ!

Luka 14:1

Hejɔɔmi ligbi ko ɔ, Yesu ya ye ní ngɛ Farisi bi ɔmɛ a nikɔtɔma amɛ a ti nɔ kake we mi, nɛ nihi huɔ Yesu kaa a maa na nɔ́ ko ngɛ e he lo.

Luka 6:9

Kɛkɛ nɛ Yesu de mɛ ke, “Ma bi nyɛ nɔ́ ko. Mɛni wa mlaa a ngmɛɔ blɔ kaa waa pee Hejɔɔmi ligbi ɔ? A pee kpakpa, loo yayami? A he nɔ yi wami, aloo á kpata nɔ hɛ mi?”