Mateo 12:10 - BAIBLO ALOO NGMAMI KLƆUKLƆU Ɔ

¹⁰ nɛ e na nyumu ko nɛ e nine kake gbo. Ni komɛ ngɛ lejɛ ɔ nɛ a ngɛ hlae nɛ a po Yesu nya kaa e ngɛ nɔ́ nɛ dɛ blɔ pee. Lɔ ɔ he ɔ, a bi lɛ ke, “Ke a tsa nɔ Hejɔɔmi ligbi ɔ, anɛ a tɔ mlaa a lo?”

Somi He Ɔ

¹⁰ Nɛ oʼɛ, nyumu ko ngɛ lejɛ ɔ nɛ e nine kake gbo. Nɛ a bi lɛ ke: “Anɛ e da blɔ kaa a tsaa nɔ ngɛ Hejɔɔmi Ligbi ɔ nɔ lo?” A de enɛ ɔ benɛ pee nɛ e ya po e nya?

Mateo 12:10 ပူးပေါင်းရင်းမြစ်များ

Luka 13:14

Kpe he nɔkɔtɔma a mi mi wo la kaa Yesu tsa nɔ Hejɔɔmi ligbi ɔ. Lɔ ɔ he ɔ, e wo e nya nɔ nɛ e de ma kpekpemi ɔ ke, “Ligbi ekpa lɛ sa kaa a kɛ tsuɔ ní. Lɔ ɔ he ɔ, nyɛɛ ba jamɛ a be ɔ, konɛ a tsa nyɛ; se pi Hejɔɔmi ligbi ɔ!”

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Yohane 8:6

Enɛ ɔ, a de kɛ da lɛ, konɛ a na nɔ́ ko nɛ a kɛ ya po e nya. Se Yesu sɔ̃ si, nɛ e kɛ e nine nguɛ ngma ní ngɛ zugba.

Yohane 5:10

Lɔ ɔ he ɔ, Yuda ma nimeli ɔmɛ de nɔ nɛ a tsa lɛ ɔ ke, “Mwɔnɛ ɔ, Hejɔɔmi ligbi; wa mlaa a ngmɛ́ blɔ kaa o hɛɛɔ o sa.”

Luka 11:54

kɛ lɛ dami. A hlaa kaa a wo e nya tso kpɛ, konɛ e de nɔ́ ko nɛ sɛ́, nɛ a kɛ po e nya.

Mateo 12:2

Benɛ Farisi bi ɔmɛ na a, a de Yesu ke, “Hyɛ, nɔ́ nɛ o kaseli ɔmɛ ngɛ pee nɛ ɔ, mlaa a ngmɛ́ blɔ kaa a peeɔ Hejɔɔmi ligbi ɔ.”

Zakaria 11:17

Ye to hyɛlɔ nɛ o he be se nami lee! To hyɛlɔ nɛ tuɔ fo kɛ jeɔ to kuu ɔ he ɔ, klaate maa po e kɔni, kɛ e hiɔ nɔ hɛngmɛ. Ee, á po e kɔni nɛ je nya, nɛ e hiɔ nɔ hɛngmɛ nɛ yu kulaa.”

Yesaya 32:6

Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Yohane 5:3

Hiɔtsɛmɛ babauu, hɛ yuyuili, glɔtsɛmɛ, kɛ ni nɛmɛ nɛ hule pueɔ si tsuo ngɛ kue ɔmɛ a mi. [A ngɛ blɔ hyɛe nɛ a ba klɛ nyu ɔ mi.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Luka 23:14

nɛ e de mɛ ke, “Nyɛɛ kɛ nyumu nɛ ɔ ba ye ngɔ, nɛ nyɛ ba po e nya ke e ngɛ ma mi bi ɔmɛ a tue puɛe. Amlɔ nɛ ɔ, i hla e sane ɔ mi ngɛ nyɛ hɛ mi, se i nɛ kaa e yeɔ fɔ ngɛ sanehi nɛ nyɛ kɛ ba po e nya a ekoeko mi.

Luka 20:22

Anɛ wa mlaa a ngmɛɛ blɔ kaa a tsu tó ha Kaisare ɔ, loo a ko tsu?”

Mateo 19:3

Farisi bi komɛ ba e ngɔ ba ka lɛ, nɛ a bi lɛ ke, “Anɛ wa mlaa a ngmɛɛ blɔ kaa nyumu fieɔ e yo ngɛ nɔ́ tsuaa nɔ́ ko he lo?”

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Marko 3:2

Ni komɛ ngɛ Yesu huɔe kaa e ma tsa hiɔtsɛ ɔ Hejɔɔmi ligbi ɔ lo, konɛ a ya po e nya.

Yohane 7:23

Ke Hejɔɔmi ligbi ɔ, nyɛ poɔ nɔ, konɛ a ko tɔ Mose mlaa a, mɛni he je nyɛ mi mi fuɔ mi kaa i tsa hiɔtsɛ Hejɔɔmi ligbi ɔ?