Mateo 11:6 - BAIBLO ALOO NGMAMI KLƆUKLƆU Ɔ

⁶ A gbaa nɔ nɛ mi mi fu we ngɛ ye he.”

Somi He Ɔ

⁶ A gbaa nɔ tsuaa nɔ nɛ ye he sane be e nane kpatae.”

Mateo 11:6 ပူးပေါင်းရင်းမြစ်များ

La 119:1

A gbaa ni nɛmɛ nɛ piami ko be a he ngɛ a si himi mi, nihi nɛ baa a je mi ngɛ Yawɛ mlaa a nya.

Mateo 13:21

Se sɛ gbi ɔ he we si ngɛ a mi, nɛ e se kɛ we hulɔ. Ke haomi, loo yi wami ba ngɛ munyu ɔ he ɔ, kɛkɛ a nane kpata.

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Mateo 26:31

Jehanɛ ɔ, Yesu de mɛ ke, “Nyɔ nɛ ɔ mi ɔ, nyɛ tsuo nyɛ maa tu fo kɛ je ye he. Ejakaa a ngma ke, ‘Ma fia to hyɛlɔ ɔ nɔ, nɛ to kuu ɔ maa gbɛ fĩa.’

Mateo 5:29

Ke o hiɔ nɔ hɛngmɛ haa nɛ o peeɔ yayami ɔ, hiaa nɛ o sake ngɔ fɔ he. E hi ha mo kaa o nɔmlɔ tso ɔ he nɔ́ ko maa laa pe nɔ́ nɛ a ma sake o nɔmlɔ tso ɔ tsuo ngɔ fɔ Abosiami a je la a mi.

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Luka 7:23

A gbaa nihi nɛ ngɛ hemi kɛ yemi ngɛ ye mi kɛ mwɔɔ!”

Yohane 16:1

“I ngɛ nyɛ ní nɛ ɔmɛ dee, bɔ nɛ pee nɛ nyɛ ko ngmɛɛ nyɛ hemi kɛ yemi ɔ he.

Yohane 6:66

Jehanɛ ɔ, munyu nɛ ɔmɛ a he je ɔ, Yesu se nyɛɛli ɔmɛ a ti nihi babauu kpale a se, nɛ a kɛ lɛ nyɛɛ we hu.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

Galatabi 5:11

Ye nyɛmimɛ, ke i ngɛ fiɛe kɛ mwɔɔ ke e hia nɛ a po nɔ doo ɔ, lɛɛ mɛni he je a ngɛ mi yi mi wae kpamisa mɔ? Ke ja ji sane ɔ, lɛɛ Kristo sɛumi tso ɔ he sane ɔ nɛ i ngɛ fiɛe ɔ, e sɛ́ kaa e haoɔ nɔ ko.

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.