Mateo 11:5 - BAIBLO ALOO NGMAMI KLƆUKLƆU Ɔ

⁵ Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Somi He Ɔ

⁵ hɛyuyuili ngɛ nɔ hyɛe, nɛ ninɛmɛ nɛ a hule ɔ ngɛ nyɛɛe; tsitsɛmɛ a he ngɛ tsɔe, nɛ otokuli ngɛ nɔ nue; ni gbogboehi ngɛ si tee, nɛ ohiafo ɔmɛ ɔ, a ngɛ Sane Kpakpa a fiee kɛ ngɛ mɛ tsɔɔe?

Mateo 11:5 ပူးပေါင်းရင်းမြစ်များ

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 5:7

Benɛ Israel matsɛ ɔ kane womi ɔ, e hao wawɛɛ nɛ e hia e tade ɔ nɛ e de ke, “Anɛ Mawu ji mi? Anɛ i ngɛ gbenɔ kɛ wami nɔ he wami loko nyumu nɛ ɔ maa tsɔ nɔ kɛ ba ye ngɔ nɛ ma tsa e he womi nɔ hiɔ yaya a ha lɛ lo? E fɔɔ si paa kaa munyu kɛkɛ lɛ e ngɛ hlae ngɛ ye he!”

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

Mose II, 4:11

Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Yesaya 29:18

Jamɛ a be ɔ, tuekpokutsɛ maa nu nɛ a ngɛ womi kanee, nɛ hɛ yuyuili nɛ ngɛ diblii kpii mi ɔ, a hɛngmɛ maa hyɛ nɔ ekohu.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Yesaya 43:8

Mawu ke, “Tsɛ ye ma a kɛ ba nɛ waa kpe. A ngɛ hɛngmɛ, se a hyɛ we nɔ́, a ngɛ tue hulɔ, se a nui nɔ́!

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Mateo 10:8

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Mateo 11:4

Yesu he nɔ ke, “Nyɛɛ ya nɛ nyɛ ya de Yohane níhi nɛ nyɛ ngɛ nue, kɛ níhi nɛ nyɛ ngɛ hyɛe nɛ ɔ.

Mateo 12:13

Kɛkɛ nɛ e de nyumu ɔ nɛ nine kake gbo ɔ ke, “Kpã o nine ɔ mi!” Nyumu ɔ kpã e nine ɔ mi. Kɛkɛ nɛ nine ɔ tsa, nɛ e kɛ kake ɔ sɔ.

Mateo 21:14

Hɛ yuyuili, kɛ glɔtsɛmɛ ba e ngɔ ngɛ sɔlemi we ɔ, nɛ e tsa mɛ.

Mateo 5:3

“A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Mateo 9:30

Nɛ a hɛngmɛ ɔmɛ bli. Jehanɛ, Yesu bɔ mɛ kɔkɔ ke, “Nyɛɛ hyɛ nɛ nɔ ko nɔ ko ko nu he oo!”

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Marko 9:25

Benɛ Yesu na kaa nihi babauu sa fo kɛ ma e ngɔ ɔ, e ke mumi ɔ yi nɛ e de lɛ ke, “Mo amuɛti kɛ tue kpoku mumi, i ngɛ mo fae ke, jee e mi, nɛ o ko sɛ e mi hu!”

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Yohane 10:25

Yesu he nɔ ke, “Tse i de nyɛ momo nɛ nyɛ he we yi! Tsaatsɛ he wami nya nɛ i tsuɔ ní nɛ ɔmɛ, nɛ níhi nɛ i tsuɔ ɔ yeɔ ye he odase.

Yohane 10:38

Se ke jamɛ a ní tsumi ɔmɛ i tsuɔ ɔ, lɔ ɔ lɛɛ ke nyɛ he we imi nitsɛ yi po ɔ, níhi nɛ i peeɔ ɔ, nyɛ he nyɛɛ ye mɔ. Kɛkɛ ɔ, nyɛ maa le si kake nyɔngloo kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.