Mateo 11:4 - BAIBLO ALOO NGMAMI KLƆUKLƆU Ɔ

⁴ Yesu he nɔ ke, “Nyɛɛ ya nɛ nyɛ ya de Yohane níhi nɛ nyɛ ngɛ nue, kɛ níhi nɛ nyɛ ngɛ hyɛe nɛ ɔ.

Somi He Ɔ

⁴ Nɛ Yesu he nɔ nɛ e de mɛ ke: “Nyɛɛ ya nɛ nyɛ ya sɛɛ ha Yohane nɔ nɛ nyɛ ngɛ nue kɛ nɔ nɛ nyɛ ngɛ hyɛe nɔ;

Mateo 11:4 ပူးပေါင်းရင်းမြစ်များ

Mateo 11:3

ke, “Anɛ mo ji nɔ nɛ ma a, aloo waa hyɛ nɔ kpa blɔ?”

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 15:30

Ma kpekpemi nitsɛ ba e ngɔ ngɛ lejɛ ɔ. A kɛ hiɔtsɛmɛ slɔɔto babauu ba pue Yesu nane nya, nɛ e tsa mɛ. Hiɔtsɛmɛ ɔmɛ ekomɛ ji nihi nɛ hule, hɛ yuyuili, amuɛtihi, glɔtsɛmɛ, kɛ hiɔtsɛmɛ kpahi fuu.

Mateo 21:14

Hɛ yuyuili, kɛ glɔtsɛmɛ ba e ngɔ ngɛ sɔlemi we ɔ, nɛ e tsa mɛ.

Mateo 8:3

Yesu kpã e nine mi, nɛ e ta nɔ ɔ he, nɛ e de lɛ ke, “I suɔ; o he nɛ tsɔ!” Amlɔ nɔuu ɔ, hiɔ ɔ ta ngɛ e he.

Yohane 14:11

Ke i de ke i ngɛ Tsɛ ɔ mi, nɛ Tsɛ ɔ ngɛ ye mi ɔ, nyɛ he ye munyu ɔ nyɛɛ ye. Ke nɔ́ nɛ i de ɔ nɛ nyɛ he we yi pohu ɔ, lɛɛ ní nɛ ɔmɛ nɛ i tsu ɔ a he ɔ, nyɛ he ye mɔ.

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.