Mateo 11:23 - BAIBLO ALOO NGMAMI KLƆUKLƆU Ɔ

²³ Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.

Somi He Ɔ

²³ Nɛ mo Kapernaum, pi hiɔwe lokoo nɛ a wo o nɔ kɛ su? Gbeje lokoo a maa ba mo si kɛ maa ya; ejakaa he wami ni tsumihi nɛ a tsu ngɛ o mi ɔ, a na nɛ a tsu ngɛ Sodom jinɛ e maa si kɛ ba su mwɔ nɛ ɔ.

Mateo 11:23 ပူးပေါင်းရင်းမြစ်များ

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Ezekiel 26:20

O ma kple si kɛ ya su gbeje nitsɛ, he nɛ blematsɛmɛ ɔmɛ nɛ a be je mi hu ɔ ngɛ ɔ. Lejɛ ɔ o kɛ mɛ maa hi ngɛ blema níhi nɛ a kpata a hɛ mi ɔ a mi ngɛ je ɔ sisi tɔɔ. Kɛkɛ ɔ, o be nyɛe maa pee ma nɛ nɔmlɔ adesa maa hi mi ngɛ je nɛ ɔ mi hu!

Ezekiel 31:14

Lɔ ɔ he ɔ, kɛ je mwɔnɛ ɔ kɛ yaa a, tso nɛ naa nyu saminya a ekoeko be kae kɛ ya hiɔwe ja hu, loo kaa e ma ha e yi mi ma ya su bɔku mi ploplooplo kikɛ nɛ ɔ. Mɛ tsuo a ma gbo kaa bɔ nɛ nɔmlɔ adesa gboɔ ɔ. Mɛ tsuo a ma ya piɛ nihi nɛ ho gbeje ya a a he.”

Ezekiel 32:18

E ke, “Nɔmlɔ adesa, ye kɔmɔ ha Egipt ma kpekpemi ɔ tsuo. Ngɔɔ a kɛ je ma amɛ nɛ a hɛ mi ngɛ nyami ɔ kɛ ya zugba a sisi tɔɔ kɛ ya piɛ nihi nɛ ngɛ gbeje ɔ a he.

Ezekiel 32:24

“Elam ngɛ lejɛ ɔ; e ta buli kpekpemi ɔ nɛ nɔ ngɛ ta a mi ɔ a gbogboe ɔmɛ hu ngɛ a yɔkɔ ɔmɛ a mi; a bɔle lɛ kɛ kpe. Nihi nɛ gbo ngɛ ta mi nɛ ɔ, mɛ tsuo a ho gbeje ya kɛ mɔmlɔtɔ. Benɛ a ngɛ wami mi ɔ, a wo nihi a he gbeye wawɛɛ, se jehanɛ lɛɛ a gbo kɛ fɔɔ si kɛ zo kpɔtɔɔ.

Obadia 1:4

O ya pee o hi he ngɛ hiɔwe lokoo kaa kɔle tsu, nɛ e peeɔ mo kaa dodoehi a kpɛti nɛ o ngɛ. Se kɛ ɔ, ma gbla mo kɛ ba zugba.” Yawɛ lɛ de.

Mateo 10:15

Niinɛ, i ngɛ nyɛ dee ke, kojomi ligbi ɔ, Mawu maa gbla jamɛ a ma a tue kulaa pe Sodom kɛ Gomora tete.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mateo 17:24

Benɛ Yesu kɛ e kaseli ɔmɛ ba Kapernaum ɔ, sɔlemi tsu ɔ he tó tsuli ɔmɛ ba Petro ngɔ, nɛ a ba bi lɛ ke, “Anɛ nyɛ tsɔɔlɔ ɔ woɔ tó ɔ lo?”

Mateo 4:13

E je Nazaret kɛ ba hi Kapernaum, wo nya ma a nɛ ngɛ Zebulun kɛ Naftali kpokpa a nɔ ɔ.

Mateo 8:5

Benɛ Yesu ba Kapernaum ɔ, Roma asafoatsɛ ko ba e ngɔ ba kpa lɛ pɛɛ,

Luka 10:15

Nɛ mo Kapernaum! Tse o hla kaa o ma wo o he nɔ kɛ ya hiɔwe lokoo! Yoo, a maa ngɔ mo ngɔ fia si, nɛ o hɛ mi ma kpata!”

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Luka 4:23

Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Ni Tsumi 2:27

Ejakaa o be mi sie ngɛ gbeje; o be hae nɛ o nɔ klɔuklɔu ɔ nɛ puɛ ngɛ yɔkɔ mi.

Ni Tsumi 2:31

David na nɔ́ nɛ Mawu maa pee ɔ momo, lɔ ɔ he ɔ, e tu Kristo si temi ɔ he munyu, nɛ e de ke, ‘A si we lɛ ngɛ gbeje, nɛ e he lo hu puɛ we ngɛ yɔkɔ mi.’

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Kpojemi 11:8

nɛ a gbogboe ɔmɛ ma pue si ngɛ magbɛ nɔ, ngɛ ma nguaa a nɛ a sɛu a Nyɔmtsɛ ɔ ngɛ mi ɔ mi. A tsɛɛ jamɛ a ma a ngɛ abɛ gbi mi ke Sodom, loo Egipt.

Kpojemi 20:13

Kɛkɛ nɛ wo jé ni gbogboehi tsuo nɛ ngɛ e mi ɔ ngɔ ha. Gbenɔ, kɛ gbeje hu jé ni gbogboehi tsuo nɛ a kɛ to ɔ ngɔ ha. Nɛ a kojo mɛ ngɛ nɔ́ nɛ nɔ tsuaa nɔ pee ɔ he.