Mateo 11:22 - BAIBLO ALOO NGMAMI KLƆUKLƆU Ɔ

²² I ngɛ nyɛ dee ke, kojomi ligbi ɔ, Mawu maa na Tiro kɛ Sidon bi mɔbɔ kulaa pe nyɛ!

Somi He Ɔ

²² Se i ngɛ nyɛ dee ke, e be wae ha Tiro kɛ Zidon ngɛ kojomi ligbi ɔ nɔ kaa nyɛ.

Mateo 11:22 ပူးပေါင်းရင်းမြစ်များ

Mateo 11:24

I ngɛ mo dee ke kojomi ligbi ɔ, Mawu maa na Sodom mɔbɔ kulaa pe mo.”

Mateo 10:15

Niinɛ, i ngɛ nyɛ dee ke, kojomi ligbi ɔ, Mawu maa gbla jamɛ a ma a tue kulaa pe Sodom kɛ Gomora tete.

1 Yohane 4:17

Suɔmi nɛ Mawu ngɛ kɛ ha wɔ ɔ mi wa wawɛɛ, bɔ nɛ pee nɛ kojomi ligbi ɔ, wa ko ye gbeye. Ejakaa wa je mi bami ngɛ kaa bɔ nɛ Kristo nitsɛ ba e je mi.

Mateo 12:36

“I ngɛ nyɛ dee ke kojomi ligbi ɔ, nyɛ ti nɔ tsuaa nɔ maa bu akɔtaa ngɛ yaka munyu tsuaa yaka munyu nɛ e tu hyɛ he.

Luka 10:14

Kojomi ligbi ɔ, Mawu maa na Tiro, kɛ Sidon mɔbɔ kulaa pe nyɛ.

Ezekiel 29:18

“Nɔmlɔ adesa, Nebukadnezar, Babilonia matsɛ ɔ ya tua Tiro. E ha e ta buli tsu ní kpakpataa ngɛ ta nɛ e kɛ Tiro ngɛ hwue ɔ he: a tloo tlomi nɛ jiɔ; nɔ tsuaa nɔ yi mi kpa, nɛ e konɔ kpɔ. Se matsɛ ɔ kɛ e tabo ɔ na we se ko kɛ ji dengme nɛ a gbo ɔ mi.

Yeremia 27:3

Jehanɛ, Yawɛ de mi ke ma tsɔ nɛ a kɛ sɛ gbi ya ha Edom matsɛ, Moab matsɛ, Amon matsɛ, Tiro matsɛ, kɛ Sidon matsɛ. E de mi ke ma ngɔ sɛ gbi nɛ ɔ kɛ gu ma nɛ ɔmɛ a nane mi dali ɔmɛ nɛ ba Yuda matsɛ, Zedekia ngɔ ngɛ Yerusalem ɔ a nine nɔ.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.