Mateo 11:21 - BAIBLO ALOO NGMAMI KLƆUKLƆU Ɔ

²¹ “Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Somi He Ɔ

²¹ “Musu tloo mo, Korazin! Musu tloo mo, Betsaida! Ejakaa he wami ni tsumihi nɛ a tsu ngɛ nyɛ mi ɔ, a na nɛ a tsu ngɛ Tiro kɛ Zidon jinɛ a tsake a tsui ngɛ kpekpe kɛ lazu mi momoomo.

Mateo 11:21 ပူးပေါင်းရင်းမြစ်များ

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Mateo 11:22

I ngɛ nyɛ dee ke, kojomi ligbi ɔ, Mawu maa na Tiro kɛ Sidon bi mɔbɔ kulaa pe nyɛ!

Mateo 15:21

Yesu je lejɛ ɔ, nɛ e pue nɔ kɛ ho Tiro, kɛ Sidon zugba a nɔ ya.

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Marko 3:8

Yerusalem, Idumea kpokpa a nɔ, Yordan pa a se, kɛ Tiro kɛ Sidon ní ɔmɛ a mi kɛ ba. Nimli babauu nɛ ɔmɛ tsuo ba Yesu ngɔ, ejakaa a nu níhi nɛ e ngɛ pee ɔ a he.

Marko 6:45

Amlɔ nɔuu ɔ, Yesu ha e kaseli ɔmɛ ya sɛ lɛ mi, konɛ a sɛ e hlami kɛ ya Betsaida ngɛ wo ɔ se; lɛ nitsɛ lɛɛ e maa wo ni ɔmɛ blɔ loko e maa je.

Marko 7:24

Jehanɛ Yesu je lejɛ ɔ, nɛ e pue nɔ kɛ ho Tiro kɛ Sidon ní ɔmɛ a mi ya. E ya sɛ we ko mi, nɛ e sume kaa nɔ ko nɛ le kaa e ngɛ lejɛ ɔ; se e nyɛ we e he nɛ e laa.

Marko 7:31

Yesu kpale e se kɛ je Tiro ní ɔmɛ a mi, kɛ ya gu Sidon kɛ ya su Ma Nyɔngma amɛ a mi, kɛ ba Galilea wo ɔ nya.

Marko 8:22

Jehanɛ Yesu kɛ e kaseli ɔmɛ ba Betsaida; nɛ ni komɛ kɛ hɛ yuyuilɔ ko ba e ngɔ, nɛ a kpa lɛ pɛɛ konɛ e ta e he.

Luka 4:26

Se a tsɔ we Eliya kɛ yɛ a ti nɔ ko nɔ ko ngɔ, pe yalɔyo ɔ nɛ hi Zarefat ngɛ Sidon ɔ pɛ e ngɔ.

Luka 6:17

Benɛ Yesu kɛ bɔfo ɔmɛ kple si kɛ ba a, e ba da si ngɛ magbɛ nɔ, kɛ e se nyɛɛli babauu. Nimli babauu nitsɛ ngɛ lejɛ ɔ. A je Yudea zugba a nɔ tsuo, kɛ Yerusalem, kɛ Tiro, kɛ Sidon wo nya ma amɛ a mi.

Luka 9:10

Bɔfo ɔmɛ kpale a se kɛ ba, nɛ a ba sɛɛ níhi tsuo nɛ a ya pee ɔ ngɔ ha Yesu. Jehanɛ ɔ, e kɛ mɛ pɛ pue nɔ kɛ ho ma ko nɛ a tsɛɛ Betsaida a ya.

Yohane 1:44

Filipo je Betsaida, ma mi he nɛ Andrea kɛ Petro hu je ɔ.

Yohane 12:21

Nimli nɛ ɔmɛ ba Filipo nɛ je Betsaida ngɛ Galilea a ngɔ, nɛ a ba de lɛ ke, “Nyɔmtsɛ, wa ngɛ hlae nɛ waa na Yesu.”

Ni Tsumi 12:20

Herode mi mi fu Tiro, kɛ Sidon bi ɔmɛ wawɛɛ. Lɔ ɔ he ɔ, a bua a he nya, nɛ a ba na lɛ ngɛ Kaisarea. Benɛ a ba a, a ba na Blasto, tsɔlɔ nɛ hyɛɛ matsɛ we ɔ nɔ ɔ, nɛ a kpa lɛ pɛɛ ke e nyɛɛ a hɛ mi kɛ ya matsɛ ɔ ngɔ. Nɛ a ya na Herode, nɛ a kɛ lɛ kpata, ejakaa matsɛ ɔ zugba nɔ ní a yeɔ.

Ni Tsumi 27:3

E nɔ jena a, wa ya su Sidon. Yulio hɛɛ Paulo saminya; e ngmɛ lɛ blɔ nɛ e ya slaa e huɛmɛ, nɛ a ha lɛ níhi nɛ hia lɛ.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.