Mateo 11:10 - BAIBLO ALOO NGMAMI KLƆUKLƆU Ɔ

¹⁰ Ejakaa Yohane ɔ he lɛ a ngma ngɛ ke, ‘Hyɛ, i ngɛ ye tsɔlɔ ɔ tsɔe kɛ sɛ o hlami, nɛ e ya dla o blɔ ɔ ngɔ to mo.’

Somi He Ɔ

¹⁰ Ejakaa nɔ nɛ ɔ ji nɔ he nɛ a ngma ngɛ ke: ‘Oʼɛ, i ngɛ ye tsɔlɔ ɔ tsɔe kɛ sɛ o hlami, nɔ nɛ ma dla o blɔ ɔ ngɔ to mo ɔ.’

Mateo 11:10 ပူးပေါင်းရင်းမြစ်များ

Yesaya 40:3

Gbi ko ngɛ pɛe ke, “Nyɛ dla blɔ ngɛ nga a nɔ ha Yawɛ! Nyɛɛ je gbɛjegbɛ tlɔmɔɔ ngɛ nga kplanaa a nɔ ha wa Mawu ɔ!

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Mateo 11:11

Niinɛ, i ngɛ nyɛ dee ke Yohane nɔ sɔlelɔ ɔ, nɔmlɔ adesa ko hí si hyɛ nɛ pe lɛ. Se kɛ̃ ɔ, nɔ nɛ ji nyafii pe kulaa ngɛ hiɔwe matsɛ yemi ɔ mi ɔ pe Yohane.

Mateo 11:3

ke, “Anɛ mo ji nɔ nɛ ma a, aloo waa hyɛ nɔ kpa blɔ?”

Mateo 3:3

Yohane ji nɔ nɛ gbalɔ Yesaya de ngɛ e he ke, “Nɔ ko ngɛ ngmlaa kpae ngɛ nga a nɔ ke, ‘Nyɛɛ je blɔ kɛ ha Nyɔmtsɛ ɔ; nyɛ ha e blɔ ɔ nɛ da tlɔmɔɔ.’ ”

Marko 1:2

Sane ɔ je sisi kaa bɔ nɛ gbalɔ Yesaya ngma a ke, “Mawu ke, ‘Ma tsɔ ye tsɔlɔ kɛ sɛ o hlami nɛ e ya dla o blɔ ɔ ngɔ to mo.’

Luka 1:76

“Nɛ mo, ye bi, a ma tsɛ mo Hiɔwe No ɔ gbalɔ. O maa sɛ Nyɔmtsɛ ɔ hlami, nɛ o ma dla e blɔ ɔ kɛ to lɛ.

Yohane 1:23

Yohane he nɔ ke, “Imi ji nɔ nɛ ngɛ fiɛe ngɛ nga a nɔ ke, ‘Nyɛ dla blɔ ngɔ to Nyɔmtsɛ ɔ,’ kaa bɔ nɛ gbalɔ Yesaya de ɔ nɛ.”