Mateo 10:8 - BAIBLO ALOO NGMAMI KLƆUKLƆU Ɔ

⁸ Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Somi He Ɔ

⁸ Nyɛ tsa hiɔtsɛmɛ, nyɛ ha tsitsɛmɛ a he nɛ tsɔ, nyɛ tle ni gbogboehi a si, nyɛɛ hia mumi yayamihi; yaka nyɛ na, yaka nyɛ ngɔ ha!

Mateo 10:8 ပူးပေါင်းရင်းမြစ်များ

Yesaya 55:1

Yawɛ ke, “Kuuwi, nyɛ nihi tsuo nɛ kuma ngɛ nyɛ yee, nyu babaaba ngɛ hiɛ ɔ ha nyɛ! Nyɛ nihi nɛ nyɛ be sika hu, nyɛɛ ba; nyɛ ba he niye ní nɛ nyɛɛ ye! Nyɛɛ ba nyɛ ba he dã, kɛ na nyɔ nyu e hia we sika; a jua we!

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Mateo 10:1

Yesu tsɛ e kaseli nyɔngma kɛ enyɔ ɔmɛ kɛ ba e ngɔ, nɛ e ha mɛ he wami nɛ a kɛ hia mumi yayamihi, nɛ a kɛ tsa hiɔ tsuaa hiɔ hulɔ.

Mateo 10:7

Nyɛ ya fiɛ ke, ‘Hiɔwe matsɛ yemi ɔ su si ta!’

Mateo 10:9

Nyɛ ko fi sika tsu, loo sika hiɔ, loo akɔblee sika kɛ wo nyɛ mlɛ mi.

Marko 16:18

ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

Luka 10:9

Nyɛ tsa hiɔtsɛmɛ nɛ ngɛ ma a mi, nɛ nyɛ de ni ɔmɛ tsuo ke, ‘Mawu matsɛ yemi ɔ na nyɛ ta.’

Ni Tsumi 3:6

Se Petro de lɛ ke, “I be sika hiɔ, loo sika tsu, se nɔ́ nɛ i ngɛ ɔ, lɔ ɔ i ngɛ mo hae nɛ ɔ nɛ. Ngɛ Yesu Kristo, Nazaret no ɔ biɛ mi ɔ, tee si nɛ o nyɛɛ!”

Ni Tsumi 4:30

Je o he wami kpo, nɛ o ha a tsa nihi, nɛ a ngɔ Yesu, o tsɔlɔ klɔuklɔu ɔ biɛ kɛ pee okadihi, kɛ nyakpɛ níhi.”