Mateo 10:41 - BAIBLO ALOO NGMAMI KLƆUKLƆU Ɔ

⁴¹ Nɔ tsuaa nɔ nɛ heɔ gbalɔ akɛnɛ gbalɔ ji lɛ he je ɔ, gbalɔ hiɔwo lɛ e ma na. Nɔ nɛ heɔ dalɔ akɛnɛ dalɔ ji lɛ he je ɔ, dalɔ hiɔwo lɛ e ma na.

Somi He Ɔ

⁴¹ Nɔ nɛ heɔ gbalɔ ngɛ gbalɔ biɛ mi ɔ, gbalɔ hiɔwo e ma na; nɛ nɔ nɛ heɔ dalɔ ngɛ dalɔ biɛ mi ɔ, dalɔ hiɔwo e ma na.

Mateo 10:41 ပူးပေါင်းရင်းမြစ်များ

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 25:44

“Kɛkɛ ɔ, mɛ hu a ma bi ke, ‘Nyɔmtsɛ, mɛni be wa na mo nɛ hwɔ ngɛ mo yee, aloo kuma ngɛ mo yee, aloo kaa nubwɔ ji mo, aloo o hɛɛ o he gu, aloo o be he wami, aloo a wo mo tsu, nɛ wa ba ji ngmlaa ha mo ɔ?’

Mateo 25:45

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee we ngɔ ha ye nyɛmimɛ nɛ ɔmɛ a ti nɔ nyafii pee kulaa a, nyɛ pee we ngɔ ha we imi hulɔ.’

Mateo 6:1

“Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Mateo 6:18

Ni kpahi nɛ a ko na kaa nyɛ ngɛ hwɔ hae, ja nyɛ Tsɛ nɛ a nɛ lɛ ɔ pɛ. Kɛkɛ ɔ, nyɛ Tsɛ ɔ nɛ naa nɔ́ nɛ a peeɔ ngɛ laami mi ɔ ma ha nyɛ nɔ́ nɛ ngɛ nyɛ hiae ɔ.

Mateo 6:4

moo ke nɔ́ ngɛ laami mi. Kɛkɛ ɔ, o Tsɛ ɔ nɛ lɛɛ e naa níhi nɛ a peeɔ ngɛ laami mi ɔ maa wo mo hiɔ.

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

Mateo 7:8

Ejakaa nɔ tsuaa nɔ nɛ biɔ ɔ, a haa lɛ; nɔ nɛ hlaa a, e naa; nɛ nɔ nɛ siɔ sinya a, a bliɔ kɛ haa lɛ.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Romabi 16:23

Gayo, ye wetsɛ ɔ hu ke e biɔ nyɛ. E we mi nɛ asafo ɔ tsuo kpee ngɛ. Erasto, ma sika tolɔ ɔ, kɛ wa nyɛmi Kuato hu ke a biɔ nyɛ. [

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.