Mateo 10:40 - BAIBLO ALOO NGMAMI KLƆUKLƆU Ɔ

⁴⁰ “Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Somi He Ɔ

⁴⁰ “Nɔ nɛ heɔ nyɛ ɔ, e heɔ mi; nɛ nɔ nɛ heɔ mi ɔ, e heɔ nɔ nɛ tsɔ mi ɔ.

Mateo 10:40 ပူးပေါင်းရင်းမြစ်များ

Yohane 13:20

I ngɛ nyɛ dee anɔkuale mi ke, nɔ tsuaa nɔ nɛ heɔ nɔ nɛ i tsɔ lɛ atuu ɔ, imi nɔuu e he ɔ nɛ; nɛ nɔ tsuaa nɔ nɛ heɔ mi ɔ, nɔ nɛ tsɔ mi ɔ e he ɔ nɛ.”

Luka 9:48

nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Mateo 18:5

Nɛ nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ.

2 Yohane 1:9

Nɔ tsuaa nɔ nɛ maa je Kristo sane kpakpa a se ya tsɔɔ nɔ́ kpa a, e li Mawu. Nɔ nɛ tsɔɔ sane kpakpa a pɛpɛɛpɛ kaa bɔ nɛ e ngɛ kɛ je sisije ɔ, jamɛ a nɔ ɔ le Tsɛ ɔ, kɛ Bi ɔ tsuo.

Yohane 20:21

Jehanɛ ɔ, Yesu kpale de mɛ ekohu ke, “Nyɛ he manye! Bɔ nɛ Tsɛ ɔ tsɔ mi ɔ, ja nɔuu imi hu i ngɛ nyɛ tsɔe.”

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Galatabi 4:14

E ngɛ mi kaa ye hiɔ ɔ ha nɛ nyɛ gbo dengme babauu ngɛ ye he, se ye he pee we nyɛ tai, nɛ nyɛ kua we mi hulɔ; mohu ɔ, nyɛ he mi atuu kaa Mawu bɔfo. Ee, nyɛ he mi kaa Kristo Yesu nitsɛ.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Marko 9:37

“Nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ; nɛ nɔ nɛ heɔ mi ɔ, pi imi kɛkɛ nɛ e he, se mohu nɔ nɛ tsɔ mi ɔ hulɔ.”

Mateo 25:45

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee we ngɔ ha ye nyɛmimɛ nɛ ɔmɛ a ti nɔ nyafii pee kulaa a, nyɛ pee we ngɔ ha we imi hulɔ.’

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Yeremia 39:17

Se moo lɛɛ ma he o yi wami jamɛ a ligbi ɔ, nɛ a be mo ngɔe kɛ wo nihi nɛ o ngɛ mɛ gbeye yee ɔ a dɛ mi.