Mateo 10:36 - BAIBLO ALOO NGMAMI KLƆUKLƆU Ɔ

³⁶ Nɔ nitsɛ e we mi bimɛ ma plɛ e he nyɛli.

Somi He Ɔ

³⁶ Nɛ nɔ nitse we mi bimɛ ma plɛ e henyɛli.

Mateo 10:36 ပူးပေါင်းရင်းမြစ်များ

Mika 7:6

Ejakaa be nɛ ɔmɛ a mi ɔ, binyumuhi bui a tsɛmɛ hu; biyihi teɔ si kɛ woɔ a nyɛmɛ, nɛ nganyɛmɛ teɔ si kɛ woɔ nganyɛmɛ. Nɔmlɔ adesa he nyɛli ji lɛ nitsɛ e we mi bi.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

La 55:13

Se e ya pee mo, ye juã, ye he nɔ, kɛ ye huɛ kpakpa.

Samuel II, 16:11

Jehanɛ, David de Abishai, kɛ e tsɔli ɔmɛ tsuo ke, “Nyɛɛ hyɛ, ke imi nitsɛ ye bi fɔfɔɛ ngɛ ye wami se blɔ hlae ɔ, lɛɛ Benyamin no nɛ ɔ, mɛni tsiɔ lɛ blɔ? Nyɛɛ ngmɛɛ e he nɛ e gbiɛ mi faa, ejakaa Yawɛ nɛ de lɛ ke e pee ja a nɛ.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Samuel I, 17:28

Benɛ Davidmɛ awetsɛ Eliab nu nɛ David kɛ nyumu ɔmɛ ngɛ munyu tue ɔ, e mi mi fu David, nɛ e de ke, “Mɛni o ma hlami ngɛ hiɛ ɔ? Nɛ mɛnɔ o si to ɔmɛ nɛ ngɛ nga a nɔ ɔ kɛ ha? I le o nɔ buimi, kɛ o tsui wami kaa ta hwumi ɔ nɛ o ma hyɛmi nɛ ɔ nɛ!”

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Yohane 13:8

Petro de lɛ ke, “Dɛbi, ko fɔ ye nane he kɔkɔɔkɔ.” Yesu he nɔ ke, “Ke i fɔ we o nane he ɔ lɛɛ o pi ye kaselɔ hu.”

Yesaya 19:2

Yawɛ ke, “Ma ha Egipt bi ɔmɛ ma gba ta kɛ wo mɛ nitsɛmɛ a he; nɔ kɛ e nyɛmi, nɔ kɛ e piɛ nine nɔ no, zugba kɛ zugba, ma kɛ ma, matsɛ kɛ matsɛ.

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.