Mateo 10:33 - BAIBLO ALOO NGMAMI KLƆUKLƆU Ɔ

³³ Se nɔ tsuaa nɔ nɛ ma kua mi ngɛ nimli a hɛ mi ɔ, imi hu ma kua lɛ ngɛ Tsaatsɛ nɛ ngɛ hiɔwe ɔ hɛ mi.

Somi He Ɔ

³³ Se nɔ tsuaa nɔ nɛ kuaa mi ngɛ nimli a hɛ mi ɔ, imi hu ma kua lɛ ngɛ ye tsɛ nɛ ngɛ hiɔwe ɔ hɛ mi.”

Mateo 10:33 ပူးပေါင်းရင်းမြစ်များ

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

Luka 9:26

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitsɛ e hɛ mi nyami ɔ mi, kɛ e Tsɛ nɔ́ ɔ, kɛ bɔfo klɔuklɔu ɔmɛ a nɔ́ ɔ mi.

Luka 12:9

Se nɔ nɛ kuaa mi ngɛ nimli a hɛ mi ɔ, Nɔmlɔ Bi ɔ hu ma kua lɛ ngɛ Mawu bɔfo ɔmɛ a hɛ mi.

1 Yohane 2:23

Ejakaa nɔ tsuaa nɔ nɛ ma kua Bi ɔ, e kua Tsɛ ɔ hulɔ. Se nɔ nɛ ma he Bi ɔ, e he Tsɛ ɔ hulɔ.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Marko 14:30

Yesu de lɛ ke, “I ngɛ mo dee anɔkuale mi ke, mwɔnɛ ɔ nyɔ mi kungwɔ be nɔ kpae si enyɔ nɛ o ma de si etɛ ke o li mi.”

Marko 8:38

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Marko 14:72

Amlɔ ɔ, kungwɔ kpa nɔ́ si enyɔne; nɛ Petro kai munyu nɛ Yesu de lɛ ke, “Kungwɔ be nɔ kpae si enyɔ nɛ o ma de si etɛ ke o li mi” ɔ. Benɛ Petro kai nɔ́ nɛ ɔ, e hao, kɛkɛ nɛ e wo ya.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Luka 22:57

Se Petro kplɛɛ we. E de lɛ ke, “Awenyɛ, i li lɛ!”