Mateo 10:30 - BAIBLO ALOO NGMAMI KLƆUKLƆU Ɔ

³⁰ Se nyɛɛ lɛɛ nyɛ yi bwɔmi tete po a kane lɛ tsuo.

Somi He Ɔ

³⁰ Se nyɛ yi bwɔmi po ɔ a kane kulaa.

Mateo 10:30 ပူးပေါင်းရင်းမြစ်များ

Samuel II, 14:11

Jehanɛ, yo ɔ de ke, “Nɛnɛ, i kpa mo pɛɛ nɛ o fa kue ha Yawɛ, o Mawu ɔ, konɛ nɔmlɔ nɛ ngɛ he blɔ kaa e yeɔ ye bi nɛ be je mi ɔ he lue ɔ, e ko ba pee yayami agbo pe kekle nɔ́ ɔ, kaa e maa gbe ye bi kaketsɛ ɔ hulɔ.” Matsɛ ɔ de lɛ ke, “I na Mawu, o bi ɔ yi bwɔmi kake po be e yi kpɛti jee kɛ nɔ si.”

Matsɛmɛ I, 1:52

Salomo he nɔ ke, “Ke e pee e he nɔmlɔ kpakpa a, a be e yi bwɔmi kake po he tae; ke a na nɔ́ yayami ko ngɛ e he ɔ, lɛɛ a maa gbe lɛ.”

Luka 12:7

Yi bwɔmi nɛ ngɛ nyɛ yi mi tete po Mawu le lɛ tsuo nya. Lɔ ɔ he ɔ, nyɛ ko ye gbeye; nyɛ he jua wa kulaa pe otokliihi babauu!

Luka 21:18

se nyɛ yi bwɔmi kake ngmelu tete be laae.

Ni Tsumi 27:34

Lɔ ɔ he ɔ, i kpa nyɛ pɛɛ nɛ nyɛɛ ye ní, ejakaa lɔ ɔ lɛ ma ha nyɛ nɔmlɔ tso he wami. Nɔ́ ko nɔ́ ko be nyɛ ti nɔ ko pee.”

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.