Mateo 10:25 - BAIBLO ALOO NGMAMI KLƆUKLƆU Ɔ

²⁵ Lɔ ɔ he ɔ, ke kaselɔ, kɛ e tsɔɔlɔ ba sɔ ɔ, lɔ ɔ kɛkɛ hiɛ ha lɛ. Nyɔguɛ hu, ke e kɛ e nyɔmtsɛ ba sɔ ɔ, lɛ hu lɔ ɔ kɛkɛ hiɛ ha lɛ. Ke a tsɛ wetsɛ ɔ Beelzebul ɔ, e we mi bi ɔmɛ lɛɛ a ma tsɛ mɛ biɛ yaya pe jã po!

Somi He Ɔ

²⁵ E hiɛ kaa kaselɔ maa pee kaa e tsɔɔlɔ, nɛ nyɔguɛ hu maa pee kaa e nyɔmtsɛ. Ke a tsɛ wetsɛ ɔ Beelzebul ɔ, e webi ɔmɛ lɛɛ si enyɛmɛ a be mɛ tsɛe ja?”

Mateo 10:25 ပူးပေါင်းရင်းမြစ်များ

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Mateo 12:24

Benɛ Farisi bi ɔmɛ nu he ɔ, a de ke, “Mumi yayamihi a tsɛ Beelzebul ɔ biɛ mi pɛ nyumu nɛ ɔ ngɛ mumi yayami ɔmɛ hiae ngɛ ɔ nɛ.”

Mateo 12:27

Yoo, ke Beelzebul he wami lɛ i kɛ ngɛ mumi yayami ɔmɛ hiae ɔ, nyɛ se nyɛɛli ɔmɛ lɛɛ mɛnɔ he wami nya nɛ mɛɛ a ngɛ mɛ hiae ngɛ mɔ? Nɔ́ nɛ nyɛ nitsɛmɛ nyɛ se nyɛɛli ɔmɛ ngɛ pee ɔ tsɔɔ kaa nyɛ yeɔ fɔ!

Mateo 9:34

Se Farisi bi ɔmɛ de ke, “Mumi yayamihi a tsɛ ɔ he wami nɛ e kɛ hiaa mumi yayami ɔmɛ ɔ nɛ.”

Marko 10:39

A he nɔ ke, “Wa ma nyɛ.” Kɛkɛ nɛ Yesu de mɛ ke, “Kplu nɛ ma nu ɔ, nyɛ ma nyɛ maa nu, nɛ nɔ sɔlemi nɛ a kɛ maa sɔle mi ɔ, a kɛ maa sɔle nyɛ hulɔ lɛɛ,

Marko 3:22

Mlaa tsɔli komɛ nɛ je Yerusalem kɛ ba a ngɛ dee ke, “Beelzebul ngɛ e mi. Mumi yayami ɔmɛ a tsɛ nɛ ɔ nɛ haa lɛ he wami nɛ e kɛ hiaa mumi yayami ɔ nɛ.”

Luka 11:15

Se ni ɔmɛ a ti ni komɛ de ke, “Beelzebul, mumi yayami ɔmɛ a tsɛ ɔ nɛ e haa Yesu he wami nɛ e kɛ hiaa mumi yayami ɔmɛ ɔ nɛ.”

Luka 11:18

Lɔ ɔ he ɔ, ke Satan matsɛ yemi ɔ gba ta ngɔ wo mɛ nitsɛmɛ a he ɔ, kɛ jamɛ a matsɛ yemi ɔ maa pee kɛ da si kɛɛ? Nyɛ ke Beelzebul lɛ haa mi he wami nɛ i kɛ hiaa mumi yayamihi.

Luka 11:19

Yoo, ke Beelzebul lɛ ha mi he wami lɛ i kɛ ngɛ mumi yayami ɔmɛ hiae ɔ, nyɛ se nyɛɛli ɔmɛ lɛɛ mɛni a kɛ hiaa mumi yayami ɔmɛ? Nyɛ nitsɛmɛ nyɛ se nyɛɛli ɔmɛ nɔuu maa tsɔɔ kaa nyɛ nɔ́ be mi.

Yohane 10:20

A ti nihi fuu de ke, “Mumi yayami ngɛ e mi. Nɔmlɔ nɛ ngɛ godo nue ɔ, mɛni he je nyɛ ngɛ lɛ tue bue ɔ?”

Yohane 7:20

Ma a tsuo he nɔ ke, “Mo nɔmlɔ nɛ ɔ, mumi yayami ngɛ o mi! Mɛnɔ ngɛ mo hlae nɛ e gbe?”

Yohane 8:48

Yuda bi ɔmɛ bi Yesu ke, “Ke wa de ke Samaria no ji mo, nɛ mumi yayami ngɛ o mi ɔ, wa tɔ lo?”

Yohane 8:52

Yuda bi ɔmɛ de lɛ ke, “Jehanɛ lɛɛ wa ná nɔ mi mami kaa mumi yayami ngɛ o mi. Abraham gbo, nɛ gbali ɔmɛ hu gbo, se moo lɛɛ o ngɛ dee ke nɔ tsuaa nɔ nɛ buu o tsɔɔmi tue ɔ be gboe gblegbleegble.