Mateo 10:23 - BAIBLO ALOO NGMAMI KLƆUKLƆU Ɔ

²³ Ke a ngɛ nyɛ yi mi wae ngɛ ma ko mi ɔ, nyɛɛ tu fo kɛ ya ma kpa mi. Niinɛ, i ngɛ nyɛ dee ke nyɛ be nyɛ ní tsumi ɔ nya gbee ngɛ Israel ma amɛ tsuo a mi, loko Nɔmlɔ Bi ɔ maa ba.

Somi He Ɔ

²³ Se ke a ngɛ nyɛ yi mi wae ngɛ ma nɛ ɔ mi ɔ, nyɛɛ tu fo kɛ ya ekpa mi; se niinɛ, i ngɛ nyɛ dee ke: Nyɛ be Israel ma amɛ tsuo nya gbee loko Nɔmlɔ Bi ɔ maa ba.

Mateo 10:23 ပူးပေါင်းရင်းမြစ်များ

Yeremia 26:21

Benɛ Matsɛ Yehoyakim kɛ e ta buli ɔmɛ, kɛ ma nimeli ɔmɛ nu nɔ́ nɛ Uria de ɔ, matsɛ ɔ hla kaa e maa gbe lɛ. Uria nu he, nɛ e ye gbeye, nɛ e tu fo kɛ ho Egipt ya.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Mateo 23:34

Lɔ ɔ he ɔ, ma tsɔ gbali, kɛ ní leli, kɛ tsɔɔli kɛ ba nyɛ ngɔ. Nyɛ maa gbe a ti ni komɛ, nɛ nyɛ maa sɛu ni komɛ; ni komɛ lɛɛ nyɛ maa fia mɛ kpa ngɛ nyɛ kpe he ɔmɛ, nɛ nyɛ maa wa mɛ yi mi, nɛ nyɛ maa fie mɛ kɛ je ma kake mi kɛ ya ma kake mi.

Mateo 23:36

Niinɛ, i ngɛ nyɛ dee ke, tue gblami nɛ ɔ maa ba yi nɔ bi nɛ ɔmɛ tsuo a nɔ!

Mateo 24:27

Ejakaa Nɔmlɔ Bi ɔ maa ba tlukaa kaa bɔ nɛ oslabai gbaa kɛ jeɔ beleku kɛ yaa bonyoku ɔ.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Mateo 24:34

Niinɛ, i ngɛ nyɛ dee ke, kikɛmɛ a yi nɔ nɛ ɔ be bee, ja ní nɛ ɔmɛ tsuo ba mi lolo.

Mateo 24:48

Se ke tsɔlɔ yaya ji lɛ ɔ, e ma de ngɛ e yi mi ke e nyɔmtsɛ ɔ se ya fia si bɔɔ.

Mateo 25:13

Nɔ́ nɛ Yesu de kɛ gbe e munyu ɔ nya ji, “Lɔ ɔ he ɔ, nyɛɛ hyɛ nyɛ he nɔ saminya, ejakaa jamɛ a ligbi ɔ, loo jamɛ a ngmlɛfia a, nyɛ li.

Mateo 26:64

Yesu de lɛ ke, “Ja o de ɔ nɛ! Se i ngɛ nyɛ dee ke, kɛ je be nɛ ɔ kɛ yaa a, nyɛ maa na Nɔmlɔ Bi ɔ nɛ hii si ngɛ Ope ɔ hiɔ nɔ, nɛ e ma ngɛ hiɔwe bɔku ɔmɛ a mi!”

Mateo 4:12

Benɛ Yesu nu kaa a nu Yohane ɔ, e pue nɔ kɛ ho Galilea ya.

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ he wami nguaa, kɛ hɛ mi nyami.

Luka 18:8

Dɛbi, i ngɛ nyɛ dee ke, e maa ye a sane ɔ ha mɛ nɔuu. Se ke Nɔmlɔ Bi ɔ kpale kɛ ba a, anɛ e ma ba na nihi ngɛ je ɔ mi nɛ ngɛ hemi kɛ yemi lo?”

Luka 21:27

Kɛkɛ ɔ, a maa na Nɔmlɔ Bi ɔ nɛ ma ngɛ bɔku mi, kɛ he wami, kɛ hɛ mi nyami babauu.

Yohane 7:1

Enɛ ɔ se ɔ, Yesu kpa si ngɛ Galilea pɛ, se e sume nɛ e ya Yudea zugba a mi, ejakaa Yuda bi ɔmɛ ngɛ lɛ hlae nɛ a gbe.

Ni Tsumi 17:10

Benɛ je jɔ pɛ nɛ nyɛmimɛ ɔmɛ wo Paulo kɛ Sila blɔ kɛ ho Beroya ya. Benɛ a su lejɛ ɔ, a be kɛ ho kpe he ɔ ya.

Ni Tsumi 17:14

Amlɔ nɔuu ɔ, nyɛmimɛ ɔmɛ wo Paulo blɔ kɛ ho wo kpo ɔ ya; se Sila kɛ Timoteo lɛɛ a tlɔ Beroya.

Ni Tsumi 20:1

Benɛ basabasa a se po ɔ, Paulo tsɔ ya tsɛ nyɛmimɛ ɔmɛ kɛ ba. E kɛ mɛ tu munyu, nɛ e wo mɛ he wami. Lɔ ɔ se ɔ, e sɛ mɛ, nɛ e pue nɔ kɛ ho Makedonia ya.

Ni Tsumi 8:1

Stefano gbemi ɔ ngɔ Saulo nya. Jamɛ a ligbi ɔ nɔuu ɔ, a bɔni asafo ɔ nɛ ngɛ Yerusalem ɔ yi mi wami wawɛɛ. Nihi nɛ he ye ɔ tsuo gbɛ fĩa Yudea, kɛ Samaria kpokpa amɛ a nɔ; nɛ e piɛ bɔfo ɔmɛ pɛ.