Mateo 10:2 - BAIBLO ALOO NGMAMI KLƆUKLƆU Ɔ

² Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Somi He Ɔ

² Kaseli nyɔngma kɛ enyɔ ɔmɛ a biɛhi ji nɛ ɔmɛ nɛ: Kekle nɔ ɔ, Simon nɛ a tsɛɛ lɛ Petro, kɛ e nyɛmi Andrea; Yakobo, Zebedeo bi ɔ kɛ e nyɛmi Yohane;

Mateo 10:2 ပူးပေါင်းရင်းမြစ်များ

Ni Tsumi 1:13

A ba sɛ ma a mi, nɛ a kuɔ kɛ ho hiɔwe tsu mi he nɛ a ba to ɔ. Mɛ ji Petro, Yohane, Yakobo, Andrea, Filipo, Toma, Bartolomeo, Mateo, Alfeo bi Yakobo, Simon ma he doolɔ ɔ, kɛ Yuda, Yakobo bi ɔ.

Mateo 4:21

Benɛ Yesu je lejɛ ɔ, e na nyɛmimɛ enyɔ kpa komɛ ngɛ lɛ mi nɛ a kɛ a tsɛ Zebedeo ngɛ ya kpɛe, nɛ e tsɛ mɛ. Mɛ ji Yakobo kɛ Yohane.

Yohane 12:22

Filipo hu ya de Andrea, nɛ mɛ ni enyɔ ɔmɛ a ya bɔ Yesu amaniɛ.

Yohane 6:8

Kɛkɛ nɛ e kaseli ɔmɛ a ti nɔ kpa hu nɛ a tsɛɛ lɛ Andrea, Simon Petro nyɛmi ɔ de ke,

Luka 5:10

Simon huɛmɛ, Yakobo, kɛ Yohane, Zebedeo bimɛ ɔmɛ hu a he mi po ja nɔuu. Jehanɛ Yesu de Simon ke, “Koo ye gbeye! Kɛ je mwɔnɛ ɔ kɛ yaa a, o maa hɛ nimli ha mi kaa bɔ nɛ a hɛɛ lo.”

Mateo 4:18

Benɛ Yesu ngɛ si kpae ngɛ Galilea wo ɔ nya a, e na nyɛmimɛ hɛli enyɔ nɛ a ngɛ ya fɔe ngɛ wo ɔ mi. Mɛ ji Simon, nɛ a tsɛɛ lɛ Petro hulɔ ɔ, kɛ Andrea.

Luka 11:49

Enɛ ɔ he nɛ Mawu nile ɔ de ke, ‘Ma tsɔ gbali, kɛ tsɔli kɛ ya a ngɔ; a maa gbe a ti ni komɛ, nɛ a maa wa a ti ni komɛ yi mi.’

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

2 Yohane 1:1

Imi nɔkɔtɔma a, i ngɛ womi nɛ ɔ ngmae kɛ ha mo awenyɛ nɛ a hla mo ɔ, kɛ o bimɛ ɔmɛ nɛ i suɔ nyɛ akɛnɛ nyɛ hɛɛ anɔkuale ɔ mi ɔ. Pi imi nɔ kake too nɛ i suɔ nyɛ; nɔ tsuaa nɔ nɛ le anɔkuale ɔ suɔ nyɛ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

1 Korintobi 15:7

Lɔ ɔ se ɔ, e jé e he kpo ngɔ tsɔɔ Yakobo, nɛ Yakobo se ɔ, e jé e he kpo ngɔ tsɔɔ bɔfo ɔmɛ tsuo.

Ni Tsumi 12:2

E ha nɛ a kɛ klaate gbe Yohane nyɛmi Yakobo.

Ni Tsumi 3:1

Ligbi ko piani ngmlɛ etɛ sɔlemi be ɔ, Petro kɛ Yohane nyɛɛ kɛ yaa sɔlemi we ɔ.

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.

Yohane 21:24

Jamɛ a kaselɔ ɔ nya mi munyu ji enɛ ɔmɛ tsuo. Lɛ nɔuu lɛ ngma ní nɛ ɔmɛ; nɛ wa le kaa nɔ nɛ e de ɔ ngɛ mi.

Yohane 21:20

Petro po e he, nɛ e na kaa kaselɔ kaketsɛ ɔ nɛ Nyɔmtsɛ ɔ suɔ ɔ ma ngɛ e se. Jamɛ a nɔ ɔ lɛ hi si ngɛ Yesu kasa nya be nɛ a ngɛ nyagbe ní ɔ yee ɔ nɛ. Lɛ nɛ bi Nyɔmtsɛ ɔ ke mɛnɔ maa tsɔɔ e se blɔ ɔ nɛ.

Yohane 21:2

Simon Petro, kɛ Toma nɛ a tsɛɛ lɛ Hayo hulɔ ɔ, Natanael nɛ je Kana ngɛ Galilea a, Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ya bua ngɛ he ko.

Yohane 20:2

Kɛkɛ nɛ e wo fo kɛ ya na Simon Petro, kɛ kaselɔ kpa a nɛ Yesu suɔ lɛ ɔ ngɛ he nɛ a ngɛ ɔ. E de mɛ ke, “A wo Nyɔmtsɛ ɔ gbogboe kɛ je yɔkɔ ɔ mi, nɛ wa li he nɛ a kɛ lɛ ya fɔ.”

Yohane 13:23

E kaseli ɔmɛ a ti nɔ kake, nɔ nɛ Yesu suɔ lɛ ɔ, hii si ngɛ e kasa nya.

Luka 22:14

Benɛ ngmlɛfia a su ɔ, Yesu ya hi e blɔ he ngɛ okplɔɔ ɔ he; e kɛ bɔfo nyɔngma kɛ enyɔ ɔmɛ.

Luka 22:8

Yesu tsɔ Petro kɛ Yohane, nɛ e de mɛ ke, “Nyɛɛ ya nɛ nyɛ ya pee Hetsɔmi niye ní ɔ ngɔ to wɔ nɛ wa ba ye.”

Luka 9:10

Bɔfo ɔmɛ kpale a se kɛ ba, nɛ a ba sɛɛ níhi tsuo nɛ a ya pee ɔ ngɔ ha Yesu. Jehanɛ ɔ, e kɛ mɛ pɛ pue nɔ kɛ ho ma ko nɛ a tsɛɛ Betsaida a ya.

Marko 13:3

Benɛ Yesu kɛkɛ hii si ngɛ Oliv yo ɔ nɔ ngɛ sɔlemi we ɔ hanɔ ɔ, Petro, Yakobo, Yohane, kɛ Andrea ba na lɛ, nɛ a bi lɛ ke,

Marko 1:29

Amlɔ nɔuu nɛ a je kpe he ɔ, Yakobo kɛ Yohane piɛ he nɛ Yesu kɛ mɛ ho Simon kɛ Andrea a we ɔ mi ya.

Mateo 26:37

E ngɔ Petro, kɛ Zebedeo binyumuhi enyɔ ɔmɛ ngɔ piɛ e he. Aywilɛho nu lɛ, nɛ e hao;

Mateo 20:20

Enɛ ɔ se ɔ, Zebedeo bimɛ ɔmɛ a nyɛ kɛ e binyumu ɔmɛ ba Yesu ngɔ. E kpla si ngɛ Yesu hɛ mi, nɛ e ngɔ e hiami nɔ́ ko kɛ fɔ e hɛ mi.

Mateo 17:1

Ligbi ekpa se ɔ, Yesu ngɔ Petro, kɛ Yakobo kɛ e nyɛmi Yohane, nɛ e nyɛɛ a hɛ mi kɛ ya yo gagaa ko nɔ ngɛ he ko banee.

Kpojemi 22:8

Imi Yohane lɛ i nu ní nɛ ɔmɛ tsuo, nɛ i na hulɔ. Benɛ i nu, nɛ i na a, i bu si ngɛ bɔfo ɔ nɛ tsɔɔ mi ní nɛ ɔmɛ ɔ nane nya, konɛ ma ja lɛ.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

3 Yohane 1:1

Imi nɔkɔtɔma a, i ngɛ womi nɛ ɔ ngmae kɛ ha mo Gayo nɛ i suɔ mo saminya kɛ ye tsui tsuo ɔ.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Marko 6:30

Kaseli ɔmɛ kpale kɛ ba Yesu ngɔ, nɛ a ba bɔ lɛ níhi nɛ a ya pee, kɛ níhi nɛ a ya tsɔɔ ɔ tsuo.

Yohane 6:67

Lɔ ɔ he ɔ, e bi ni nyɔngma kɛ enyɔ ɔmɛ ke, “Nyɛ hu nyɛ suɔ kaa nyɛɛ maa je lo?”

Yohane 6:70

Yesu bi mɛ ke, “Anɛ pi imi nɛ i hla nyɛ ni nyɔngma kɛ enyɔ ɔmɛ lo? Lɛ kɛ pee kɛɛ nɛ nyɛ ti nɔ kake peeɔ Abosiami ɔ?”

Yohane 6:71

Blɔɔ, Simon Iskariot bi Yuda e ngɛ dee ɔ nɛ. Ejakaa Yuda a, ni nyɔngma kɛ enyɔ ɔmɛ a ti nɔ kake ji lɛ. Se pee se ɔ, lɛ ji nɔ nɛ ba tsɔɔ Yesu se blɔ.