Mateo 10:19 - BAIBLO ALOO NGMAMI KLƆUKLƆU Ɔ

¹⁹ Ke a ngɔ nyɛ kɛ ho ɔ, nyɛ ko hao nyɛ he ngɛ nɔ́ nɛ nyɛ ma de, kɛ bɔ nɛ nyɛ ma plɛ kɛ de lɛ ha a he. Ke be ɔ su ɔ, a maa tsɔɔ nyɛ nɔ́ nɛ nyɛ ma de.

Somi He Ɔ

¹⁹ Se ke a ngɔ nyɛ kɛ ho ɔ, nyɛ ko hao nyɛ he ngɛ bɔ nɛ loo nɔ́ nɛ nyɛ ma de he; se a maa ngɔ nɔ nɛ nyɛ ma de ɔ ngɔ ha nyɛ ngɛ jamɛ a ngmlɛfia a mi nɔuu?

Mateo 10:19 ပူးပေါင်းရင်းမြစ်များ

Mose II, 4:12

Lɔ ɔ he ɔ, moo ya. Ma ha o nya mi ma tsɔ, nɛ ma tsɔɔ mo nɔ́ nɛ o de.”

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Luka 12:11

“Ke a ngɔ nyɛ kɛ ba kpe he ɔmɛ, loo matsɛmɛ, loo ganɔhi a hɛ mi ɔ, bɔ nɛ nyɛ ma plɛ kɛ fa nyɛ he, kɛ nɔ́ nɛ nyɛ ma de ɔ, lɔ ɔ nɛ ko hao nyɛ kulaa.

Mose II, 4:15

O kɛ lɛ nɛ tu munyu, nɛ́ o tsɔɔ lɛ nɔ́ nɛ e de. Ma piɛ o kɛ lɛ tsuo nyɛ he, nɛ ma tsɔɔ nyɛ nɔ́ nɛ nyɛɛ pee.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Mateo 6:31

“Lɔ ɔ he ɔ, nyɛ ko hao nyɛ he nɛ nyɛ bi ke, ‘Mɛni wa maa ye? Aloo mɛni wa maa nu? Aloo mɛni wa maa ngɔ kɛ ha wa he?’

Mateo 6:25

“Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

Ni Tsumi 6:10

Se Mumi Klɔuklɔu ɔ ha Stefano nile, nɛ benɛ e tu munyu ɔ, a nyɛ we nya nɛ a da.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Yeremia 1:7

Se Yawɛ de mi ke, “Ko de ke niheyo kɛkɛ ji mo. Nihi tsuo a ngɔ nɛ ma tsɔ mo ɔ, yaa; nɛ nɔ́ tsuaa nɔ́ nɛ ma fa mo ke o de ɔ, de.

Mateo 6:34

Lɔ ɔ he ɔ, nyɛ ko hao nyɛ he ha hwɔɔ; ejakaa hwɔɔ hu ma kɛ lɛ nitsɛ e haomihi babauu. Haomihi nɛ baa daa ligbi ɔ, e hia we kaa waa ngɔ ekpa ko kɛ ba piɛ ligbi ko nɔ́ he hu.

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Luka 12:12

Ejakaa nɔ́ nɛ sa kaa nyɛ de ɔ, Mumi Klɔuklɔu ɔ maa tsɔɔ nyɛ jamɛ a ngmlɛfia a mi nɔuu.”