Mateo 10:16 - BAIBLO ALOO NGMAMI KLƆUKLƆU Ɔ

¹⁶ “Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Somi He Ɔ

¹⁶ “Oʼɛ, i ngɛ nyɛ hsɔe kaa jijɔhi ngɛ ogbeteehi a kpɛti; lɔ ɔ he ɔ nyɛ hɛ mi nɛ tɛ kaa sinɔhi, nɛ nyɛɛ pee kpoo kaa okpohi.

Mateo 10:16 ပူးပေါင်းရင်းမြစ်များ

Luka 10:3

Nyɛɛ ya! Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Ni Tsumi 20:29

I le kaa ke i je ɔ, nihi ma ba sɛ nyɛ kpɛti, nɛ a maa pee a ní kaa ogbetee ní hali; a be asafo ɔ yi bae.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.

2 Korintobi 11:14

Enɛ ɔ be nyakpɛ tete! Satan nitsɛ nyɛɔ tsakeɔ e he peeɔ bɔfo nɛ ngɛ kpɛe kaa la!

Mose I, 3:1

Nga mi lohwehi tsuo nɛ Yawɛ Mawu pee ɔ, sinɔ ji gatsɛ pe mɛ tsuo. Sinɔ bi yo ɔ ke, “Anɛ Mawu de nyɛ niinɛ ke tso ɔmɛ nɛ ngɛ ngmɔ ɔ mi ɔ, nyɛ ko ye ekoeko nɔ yiblii lo?”

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 8:20

Wa ngɛ mɔde bɔe nɛ wa ko pee nɔ́ ko nɛ ma ha nihi maa tu munyu yaya ngɛ nike ní nguaa nɛ ɔ nɔ hyɛmi he.

Mose I, 3:13

Yawɛ Mawu bi yo ɔ ke, “Mɛni ha nɛ o pee nɔ́ nɛ ɔ?” Yo ɔ he nɔ ke, “Sinɔ ɔ lɛ mlɔɔ mi; enɛ ɔ he je nɛ i ye ɔ nɛ.”

Yeremia 40:16

Se Gedalia he nɔ ke, “Koo pee ja! Nɔ́ nɛ o ngɛ dee ngɛ Ishmael he ɔ be mi!”

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Mateo 24:25

Hyɛ, i ngɛ nyɛ enɛ ɔ dee loko be ɔ nɛ su.

Mateo 24:45

“Lɛɛ mɛnɔ ji tsɔlɔ anɔkualetsɛ, kɛ ní lelɔ mɔ? Lɛ ji nɔ nɛ e nyɔmtsɛ ɔ ngɔ lɛ ngɔ to tsɔli kpa amɛ a nya, konɛ e ha mɛ a nya mi ngma ngɛ be nɛ sa mi.

Mateo 25:2

A kpɛti ni enuɔ ji kuasiahi, nɛ ni enuɔ lɛɛ ní leli ji mɛ.

Mateo 25:4

Ní leli ɔmɛ lɛɛ a hɛɛ nu kɛ tɔ ngɔ piɛ a kane ɔmɛ a he.

Mateo 25:9

Se ní leli ɔmɛ de mɛ ke, ‘Eko ɔ, e ba be waa kɛ nyɛ tsuo sue; nyɛɛ ya nu juali ɔmɛ a ngɔ nɛ nyɛ ya he nyɛ nitsɛmɛ nyɛ nɔ́.’

Nehemia 4:13

Lɔ ɔ he ɔ, i ngɔ nihi nɛ hɛɛ klaatehi, akplɔhi, kɛ kɛ̃ɛ̃hi ngɔ to gbogbo ɔmɛ a se hehi nɛ a gbi a fiami nya lolo ɔ. I ha buli nɛ ɔmɛ ya da si weku nya weku nya.