Mateo 1:6 - BAIBLO ALOO NGMAMI KLƆUKLƆU Ɔ

⁶ Ishai fɔ Matsɛ David, nɛ Matsɛ David kɛ Uria yo ɔ fɔ Salomo.

Somi He Ɔ

⁶ nɛ Isai fɔ matsɛ David enɛ matsɛ David kɛ Uria yo ɔ fɔ Salomo.

Mateo 1:6 ပူးပေါင်းရင်းမြစ်များ

Samuel II, 11:3

Lɔ ɔ he ɔ, David tsɔ ya bi yo ɔ he sane. Nɛ a ba bɔ lɛ amaniɛ ke a tsɛɛ yo ɔ Batsheba; Eliam biyo ji lɛ, nɛ e huno ji Uria, Hit no ɔ.

Samuel II, 23:1

Ishai binyumu David, nɔmlɔ nɛ Mawu wó e nɔ gojoo, nɛ Yakob Mawu ɔ pɔ lɛ nu; nɔ nɛ po la ngɔngɔɛhi kɛ ha Israel ɔ, e nyagbe munyuhi ji nɛ ɔmɛ nɛ.

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Kronika I, 14:4

Bimɛ nɛ a fɔ ha lɛ ngɛ Yerusalem ji Shamua, Shobab, Natan, Salomo,

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.

Kronika I, 3:5

nɛ a fɔ binyumuhi babauu ha lɛ ngɛ lejɛ ɔ. E kɛ e yo Batsheba, Amiel biyo ɔ fɔ binyumuhi eywiɛ. A biɛhi ji Shimea, Shobab, Natan, kɛ Salomo.

La 72:20

David, Isai bi ɔ kue fami ɔmɛ a nyagbe ji nɛ ɔ nɛ.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Mateo 1:5

Salmon kɛ Rahab fɔ Boaz, nɛ Boaz kɛ Rut fɔ Obed, nɛ Obed fɔ Ishai.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.

Samuel I, 17:58

Saul bi lɛ ke, “Niheyo, mɛnɔ bi ji mo?” Nɛ David ha heto ke, “O tsɔlɔ Ishai, Betlehem no ɔ bi ji mi.”

Samuel I, 22:8

loko nyɛ tsuo nyɛ so kɛ wo ye he kikɛ nɛ ɔ? Nɔ ko nɔ ko wo we ye tue nɔ kaa ye binyumu ɔ kɛ David so somi ko. Nɔ ko nɔ ko be nyɛ kpɛti nɛ ye sane dɔɔ lɛ, nɛ e ma wo ye tue nɔ kaa imi nitsɛ ye binyumu ha nɛ ye tsɔlɔ te si wo mi, nɛ mwɔnɛ ɔ, e ngɛ ye he blɔ hlae nɛ e gbe mi.”